ထိုင်းနိုင်ငံကားအစိတ်အပိုင်းထုတ်လုပ်သူများ ပို့ကုန်ဈေးကွက်သစ်များရှာဖွေ

          အမေရိကန်သမ္မတဒေါ်နယ်ထရမ့်၏ ကုန်သွယ်ရေးအကောက်ခွန်မူဝါဒသစ်များအပေါ် စိုးရိမ်ပူပန်မှုများကြီးထွားလာမှုကြောင့် ထိုင်းနိုင်ငံကားအစိတ်အပိုင်းထုတ်လုပ်သူများသည် ပို့ကုန်ဈေးကွက်သစ်များ ရှာဖွေလျှက်ရှိကြောင်း ထိုင်းစက်မှုလုပ်ငန်းအဖွဲ့ချုပ်(FTI) က ပြောကြားခဲ့ပါသည်။ ထရမ့်သည် မတ်လ ၄ ရက်နေ့တွင်စတင်အသက်ဝင်မည့် ကနေဒါနှင့် မက္ကစီကိုမှသွင်းကုန်များကို အကောက်ခွန် ၂၅ ရာခိုင်နှုန်းကောက်ခံမည့် အစီအစဉ်ကို ဖေဖော် ဝါရီလ ၂၇ ရက်နေ့ကကြေညာခဲ့ပြီး တရုတ်နိုင်ငံကိုလည်း အကောက်ခွန် ၁၀ ရာခိုင်နှုန်း တိုးမြှင့်နိုင်ချေရှိကြောင်း မီဒီယာများ၏ တင်ပြချက်အရ သိရပါသည်။ ထိုင်းနိုင်ငံကား အစိတ် အပိုင်းထုတ်လုပ်သူများသည် မက္ကစီကိုတွင် ရင်းနှီးမြှုပ်နှံသည့် ဂျပန်ကားကုမ္ပဏီများမှ တစ်ဆင့် မက္ကစီကိုသို့ ၎င်းတို့၏ထုတ်ကုန်များကို သွယ်ဝိုက်တင်ပို့လျှက်ရှိကြောင်း Cluster of FTI Future Mobility-ONE(CFM-ONE) ၏အတွင်းရေးမှူး Suphot Sukphisarn က ပြောကြားခဲ့ပါသည်။ CFM-ONE သည် ထိုင်းနိုင်ငံက အမေရိကန်အပေါ်ကုန်သွယ်‌ရေးပိုငွေ ပြမှုကြောင့်ပစ်မှတ်ဖြစ်လာနိုင်သောကြောင့် အကောက်ခွန်တိုးမြှင့်နိုင်ချေရှိလာနိုင်သည့် အခြေအနေများကို စောင့်ကြည့်လျှက်ရှိကြောင်း သိရပါသည်။ လွန်ခဲ့သည့်နှစ်တွင် ထိုင်းနိုင်ငံ သည် အမေရိကန်နိုင်ငံအပေါ်ကုန်သွယ်ရေးပိုငွေ အမေရိကန်ဒေါ်လာ ၃၅ ဘီလီယံပြခဲ့ ကြောင်း ထိုင်းစီးပွားကူးသန်းဝန်ကြီးဌာန၏အဆိုအရ သိရပါသည်။ အမေရိကန်သည် အမေရိကန်ဒေါ်လာ ၅၄.၉ ဘီလီယံဖြင့် ထိုင်းနိုင်ငံ၏ အကြီးမားဆုံး တင်ပို့ရာဈေးကွက်အဖြစ် ရပ်တည်ခဲ့ကြောင်း သိရပါသည်။ ထိုင်းကားအစိတ်အပိုင်းထုတ်လုပ်သူများသည် ဘဏ်များ နှင့် မော်တော်ယာဉ်ငွေထောက်ပံ့သည့်ကုမ္ပဏီများက နိုင်ငံ၏အိမ်ထောင်စုကြွေးမီမြင့်တက် လာမှုနှင့် စားသုံးသူဝယ်နိုင်စွမ်းအားအားပျော့မှုကြောင့် တင်းကျပ်သောမော်တော်ယာဉ် ငွေချေးမှုစနစ်ကို ကျင့်သုံးလာမှုကြောင့် ပြည်တွင်းဈေးကွက်တွင် နှစ်ကြာရှည်နှေးကွေးမှုနှင့် ကြုံတွေ့နေရကြောင်း သိရပါသည်။ ဈေးကွက်သည် လာမည့် ၃ နှစ်မှ ၅ နှစ်အတွင်း အပြည့် အဝနာလံထူနိုင်ချေမရှိကြောင်း သိရပါသည်။ ထိုအချက်တွင် လတ်တလောတွင် လုပ်သား ၇၀၀၀၀၀ ရှိသည့် ကားအစိတ်အပိုင်းလုပ်ငန်းတွင် အလုပ်အကိုင်ဆုံးရှုံးမှုကို ဦးတည်စေ ကြောင်း သိရပါသည်။ FTI သည်ကားအစိတ်အပိုင်းထုတ်လုပ်သူများအား တရုတ်လျှပ်စစ် မော်တော်ယာဉ်ထုတ်လုပ်သူများအတွက် အစိတ်အပိုင်းများပြောင်းလဲထုတ်လုပ်ရန် တွန်းအားပေးလျှက်ရှိသော်လည်း ထိုအချက်သည်၎င်းတို့အတွက် Internal combustion engine နည်းပညာမှထုတ်လုပ်မှုကို ချိန်ညှိရန် လပေါင်းများစွာသို့မဟုတ်နှစ်ပေါင်းများစွာ ကြာမြင့်နိုင်ကြောင်း သိရပါသည်။ FTI ၏အဆိုအရ ကားအစိတ်အပိုင်းထုတ်လုပ်သူများသည် လျှပ်စစ်မော်တော်ယာဉ်များအတွက် အထူးအစိတ်အပိုင်းများထုတ်လုပ်နိုင်ရန် ၁ နှစ်မှ ၂ နှစ် အထိ အချိန်ယူရနိုင်ကြောင်း သိရပါသည်။

DOCA(ရန်ကုန်)