အိန္ဒိယနိုင်ငံ၊ ကာလကတ္တားရှိ ရာသီဥတုနှင့် သဘာဝဘေးဒဏ်ခံနိုင်ရည်ရှိ ရေဆိုးမြောင်းများ နှင့် ရေနုတ်မြောင်းဆိုင်ရာ အခြေခံအဆောက်အအုံများ ဖွံ့ဖြိုးတိုးတက်ရေးအတွက် အမေရိကန် ဒေါ်လာ သန်း ၂၀၀ ချေးရန် အာရှဖွံ့ဖြိုးရေးဘဏ် (ADB) က ဖေဖော်ဝါရီ ၂၆ ရက်တွင် အတည်ပြုခဲ့ ကြောင်းသိရသည်။
စီမံကိန်းသည် ၈၄ ကီလိုမီတာရှည်လျားသော ပိုက်စည်နှင့် ဆင့်ပွားရေဆိုးမြောင်းနှင့်ရေနုတ် မြောင်းများ သွယ်တန်းခြင်း၊ ပေါင်းစပ်ရေဆိုးမြောင်း ၁၇၆ ကီလိုမီတာနှင့် အိမ်သုံးမြောင်းပေါင်း ၅၀၀၀၀ တို့ကို တည်ဆောက်မည်ဖြစ်သည်။ မိလ္လာသန့်စင်ရေးစက်ရုံတစ်ရုံနှင့် ရေစုပ်စက်ရုံ ၅ ရုံ တို့ကို လည်း တည်ဆောက်သွားမည်ဖြစ်ကြောင်း ADB ၏ သတင်းထုတ်ပြန်ချက်တွင် ဖော်ပြထား သည်။
အိန္ဒိယနိုင်ငံ၏ လူဦးရေအထူထပ်ဆုံးမြို့များထဲမှတစ်ခုဖြစ်သည့် ကာလကတ္တားသည် မြို့ပြ ရေလွှမ်းမိုးမှုနှင့် သန့်ရှင်းမှုမရှိသောပတ်ဝန်းကျင်ကိုဖြစ်စေသည့် ရေနုတ်မြောင်းနှင့် ရေမြောင်းစနစ် များ မလုံလောက်ခြင်းကြောင့် သိသာထင်ရှားသောစိန်ခေါ်မှုများနှင့် ရင်ဆိုင်နေရကြောင်း ADB မှ ပြောကြားခဲ့သည်။ အဆိုပါစီမံကိန်းသည် ရေလွှမ်းမိုးမှုအန္တရာယ်များကို ကိုင်တွယ်ဖြေရှင်းခြင်းဖြင့် ရေလွှမ်းမိုးမှုနှင့် ဗိုင်းရပ်စ်ကူးစက်မှုဆိုင်ရာရောဂါများကို လျှော့ချခြင်းဖြင့် လူနေမှုအခြေအနေနှင့် ကျန်းမာရေးရလဒ်များကို မြှင့်တင်ပေးမည်ဖြစ်ကြောင်း မနီလာအခြေစိုက် ဘဏ်ကပြောကြားခဲ့ သည်။
DOCA(ရန်ကုန်)