ကမ္ဘောဒီးယားနိုင်ငံ၏ ကျော်ကြားသော အန်ကောဝပ် ရှေးဟောင်းသုတေသနဥယျာဉ်သို့ ၂၀၂၅ ခုနှစ်၊ ပထမ (၂) လအတွင်း နိုင်ငံတကာခရီးသွား ၂၇၉,၆၄၀ လာရောက်လည်ပတ်ခဲ့ပြီး တစ်နှစ်ထက်တစ်နှင့် ၁၈.၈ ရာခိုင်နှုန်းတိုးလာခဲ့ကြောင်း ကမ္ဘောဒီးယားနိုင်ငံပိုင် Angkor Enterprise ၏ ၁-၃-၂၀၂၅ ရက်နေ့ က ထုတ်ပြန်ခဲ့သော အစီရင်ခံစာအရသိရသည်။ ၂၀၂၅ ခုနှစ်၊ ပထမ (၂) လအတွင်း အန်ကောဝပ်သည် လက်မှတ်ရောင်းရငွေမှ အမေရိကန်ဒေါ်လာ ၁၃.၁၆ သန်းရရှိခဲ့ပြီး ၁၇.၂၁ ရာခိုင်နှုန်းတိုးလာခဲ့ကြောင်း အစီရင်ခံစာတွင် ဖော်ပြထားသည်။ ၂၀၂၅ ခုနှစ်၊ ဖေဖော်ဝါရီလအတွင်း အန်ကောဝပ်သို့ နိုင်ငံတကာ ခရီးသွား ၁၃၃,၄၆၄ ဦး လာရောက်လည်ပတ်ခဲ့ပြီး လက်မှတ်ရောင်းချမှုမှ ဝင်ငွေ အမေရိကန်ဒေါ်လာ ၆.၂ သန်း ရရှိခဲ့သည်။ ကမ္ဘောဒီးယားနိုင်ငံ၊ ခရီးသွားအေးဂျင့်များအသင်း ဥက္ကဋ္ဌ Chhay Sivlin က ခရီးသွား လုပ်ငန်းမြှင့်တင်ရာတွင် အစိုးရ၏ ကြိုးပမ်းအားထုတ်မှု၊ လေကြောင်းချိတ်ဆက်မှု အပါအဝင် ခရီး သွားလာရေးအဆင်ပြေစေရန်အတွက် အစိုးရ၏ကြိုးပမ်းအားထုတ်မှုများကို ချီးကျူးဂုဏ်ပြုကြောင်း ပြောကြားခဲ့သည်။ ကမ္ဘောဒီးယားနိုင်ငံ၊ ဝန်ကြီးချုပ် Hun Manet က လက်ရှိ ကမ္ဘာလှည့်ခရီးသွားများ လည်ပတ်ရာ ဒေသများအပြင် အခြားခရီးသွားအစီအစဉ်များရေးဆွဲဖန်တီးကြရန်၊ Siem Reap၊ Kampong Thom၊ Preah Viher နှင့် Oddar Meanchey ပြည်နယ်များတွင် ခရီးသွားဧည့်သည်များ လာရောက် လည်ပတ်နိုင်ရေး စုစည်းဆွေးနွေးကြရန် ပြည်နယ်အုပ်ချုပ်ရေးမှူးများအား တောင်းဆိုထားခဲ့သည်။
DOCA(ရန်ကုန်)