ကမ္ဘောဒီးယားနိုင်ငံနှင့် အမေရိကန်နိုင်ငံတို့ ရင်းနှီးမြှုပ်နှံမှုအလားအလာများကို လေ့လာရန် တွေ့ဆုံဆွေးနွေး

          ကမ္ဘောဒီးယားတော်ဝင်အစိုးရ()သည် ကမ္ဘောဒီးယား Oknha အသင်း(COA) နှင့် ရင်းနှီးမြှုပ်နှံမှု မိတ်ဖက်များမြှင့်တင်ရန်နှင့် နှစ်နိုင်ငံအကြား စီးပွားရေးဆက်ဆံမှုအားကောင်းစေရန်ရည်ရွယ်၍ ကယ်လီ ဖိုးနီးယား စီးပွားရေးကိုယ်စားလှယ်အဖွဲ့နှင့် ၃-၃-၂၀၂၅ ရက်နေ့က တွေ့ဆုံခဲ့သည်။ ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီ (CDC) ၏ ဒုတိယဥက္ကဋ္ဌ Sun Chanthol သည် ဖနွမ်းပင်မြို့တွင် အမေရိကန်ကုမ္ပဏီ ၂၀ ၏ ကိုယ်စားလှယ်အဖွဲ့နှင့်တွေ့ဆုံပွဲအား ဥက္ကဋ္ဌအဖြစ်ဆောင်ရွက်ခဲ့သည်။ တွေ့ဆုံစဉ် Sun Chanth သည် ကမ္ဘောဒီးယားနိုင်ငံအား ၂၀၅၀ ခုနှစ်တွင် ဝင်ငွေမြင့်မားသော နိုင်ငံအဖြစ်သို့ ရောက်ရှိရန် အထူးသဖြင့် စီးပွားရေးကွဲပြားမှုကိုမြှင့်တင်သည့် မူဝါဒကို အလေးပေးပြောကြားခဲ့သည်။ ပုဂ္ဂလိက ရင်းနှီးမြှုပ်နှံမှုနှင့် အထူးစီးပွားရေးဇုန်များ(SEZs) စီမံခန့်ခွဲရေးအတွက် အဓိကအချက်အဖြစ် ၎င်း၏ ရည်မှန်းချက်နှင့်အခန်းကဏ္ဍကို အကြမ်းဖျင်းဖော်ပြပြောကြားခဲ့သည်။ (COA) ၏ အထွေထွေ အတွင်းရေးမှူး Hun Lak က နိုင်ငံတော်၏ပုဂ္ဂလိက ကဏ္ဍကို ကိုယ်စားပြုသည့် အဖွဲ့အစည်း၏ လုပ်ငန်းဆောင်ရွက်ချက်များနှင့် အဓိကအခန်းကဏ္ဍကို ခြုံငုံသုံးသပ်ချက်များပြောကြားခဲ့သည်။ နိုင်ငံတစ်ဝှမ်းလုံးရှိ နိုင်ငံသားများအတွက် အလုပ်အကိုင်များဖန်တီးပေးရန်အတွက် ကဏ္ဍအသီးသီးတွင် သိသိသာသာ အလားအလာရှိသော စီးပွားရေးလုပ်ငန်းရှင်များနှင့် စွန့်ဦးတီထွင်သူများဖြင့် ဖွဲ့စည်းထားခြင်း ဖြစ်ကြောင်း ထပ်လောင်းပြောကြားခဲ့သည်။ (CDC) ၏ကြေညာချက်အရ အမေရိကန်စီးပွားရေး ကိုယ်စားလှယ်အဖွဲ့သည် ကမ္ဘောဒီးယားနိုင်ငံ၏ တိုးတက်မှုကို စိတ်ဝင်စားကြောင်း ဖော်ပြခဲ့ပြီး ပုဂ္ဂလိက ကဏ္ဍအတွက်ညှိနှိုင်းဆောင်ရွက်ပေးရာတွင် ကမ္ဘောဒီးယားတော်ဝင်အစိုးရ(RGC) နှင့် ကမ္ဘောဒီးယား ဖွံ့ဖြိုးတိုးတက်ရေးကောင်စီ(CDC) တို့၏ ကြိုးပမ်းအားထုတ်မှုများကို အထူးတန်ဖိုးထားကြောင်းပြောကြား ခဲ့သည်။ ကိုယ်စားလှယ်အဖွဲ့သည် ကယ်လီဖိုးနီးယားနှင့် ကမ္ဘောဒီးယားနိုင်ငံအကြား အထူးသဖြင့် စီးပွားရေးနှင့်ရင်းနှီးမြှုပ်နှံမှုဆက်ဆံရေးနယ်ပယ်များတွင်နှစ်နိုင်ငံပူးပေါင်းဆောင်ရွက်မှုအားကောင်းလာစေရန် အခွင့်အလမ်းများကိုရှာဖွေရန် စိတ်ဝင်စားကြောင်း ကြေညာချက်တွင်ဖော်ပြထားသည်။

DOCA(ရန်ကုန်)