မန်ကျည်းပင်ကို မြန်မာနိုင်ငံအထက်ပိုင်းတွင် အများဆုံးစိုက်ပျိုးကြပါသည်။ လယ်ကွင်းများ၊ ဥယျာဉ်ခြံများ၊ ကျွဲနွားစားကျက်များ၌ မန်ကျည်းပင်များကို အများအပြားတွေ့ရှိရပြီး အပင်ပေါက် လွယ်သည့် သစ်ပင်မျိုးဖြစ်ကြောင်း သိရပါသည်။
မြန်မာနိုင်ငံတွင်တွေ့ရသော မန်ကျည်းမျိုးများမှာ တောမန်းကျည်းပင်၊ တောင်မန်ကျည်းပင်၊ ဆေးမန်ကျည်းပင်များဖြစ်ကြပါသည်။ မန်ကျည်းပင်ပေါက်များကို မင်းဘူးနယ်နှင့် မုတ္တမနယ်တို့၌ တွေ့ရပါသည်။ တောင်မန်ကျည်းပင်များကို မိုးကုတ်နယ်၌ တွေ့ရပါသည်။ ဆေးမန်းကျည်းပင်မှာ ခြုံပင်(သို့)အပင်ငယ်များဖြစ်၍ မြန်မာနိုင်ငံအနှံအပြား၌ တွေ့ရပါသည်။
မန်းကျည်းပင်တွင် အသုံးပြုနိုင်သော အစိတ်အပိုင်းများဖြစ်သည့် အခေါက်၊ အရွက်၊ အသီးနှင့် အစေ့တို့ဖြစ်ကြသည်။ ၎င်းတို့အထဲမှ မန်ကျည်းသီးမှည့်၍ ဆေးဖက်ဝင်ပုံမှာ မန်ကျည်းသီးအနှစ်အား ဝမ်းနှုတ်ဆေး၊ အားဆေးနှင့် ခံတွင်းကောင်းဆေးများ ဖော်စပ်ရာတွင် အသုံးပြုကြပါသည်။ မန်ကျည်းမှည့်ကို ထန်းလျှက်၊ ဆားတို့နှင့် ဖျော်ရည်အဖြစ်စိမ်သောက်သော် ကိုတွင်းအေး၍ အားကိုဖြစ်စေသည်။ မန်ကျည်းသီးကို ဟင်းထဲထည့်ချက်ကြသလို ဖျော်ရည်ချဉ်ချဉ်လေးအဖြစ်လည်း စားသုံးကြပါသည်။ မန်ကျည်းသီးတွင် အမျှင်ဓါတ်ပါဝင်သောကြောင့် အူလမ်းကြောင်းမှာ ရှိသောကြွက်သားများကောင်းမွန်စေပြီး အစာချေစနစ်ကို တိုးတက်ကောင်းမွန်စေပါသည်။ မန်ကျည်းမှည့်သည် ဘက်စုံအသုံးဝင်၍ ဈေးကွက်ရှိသဖြင့် ယခုအခါ ပြည်ခရိုင်အတွင်းရှိ ဈေးကွက် များတွင် မန်ကျည်းသီးမှည့်များပေါ်စဖြစ်၍ မန်ကျည်းအမှည့် အစေ့ပါတစ်ပိဿာလျှင် (၆၀၀၀)ကျပ် နှင့် အစေ့မပါမန်ကျည်းမှည့် တစ်ပိဿာလျှင် (၁၀၀၀၀)ကျပ်ဈေးဖြင့် ရောင်းချလျက်ရှိပြီး ပြည်မြို့မှတဆင့် ရန်ကုန်မြို့နှင့် အခြားမြို့များသို့ တင်ပို့ရောင်းချလျက်ရှိကြောင်း သိရှိရပါသည်။
DOCA(ပဲခူး)