စားသုံးသူရေးရာဦးစီးဌာနမှ မြို့နယ်တာဝန်ခံနှင့် ကျောင်းကျန်းမာရေးဝန်ထမ်းတို့ ပူးပေါင်း၍ မတ်လ (၃)ရက်နေ့တွင် စားသုံးသူကာကွယ်ရေးအကြောင်း သိကောင်းစရာများကို ကျန်းမာရေးဝန်ထမ်း (၈၂)ဦးအား အသိပညာပေးဟောပြောခဲ့ကြောင်း သိရသည်။
အဆိုပါ ဟောပြောပွဲကို ဖျာပုံမြို့ ပြည်သူ့ဆေးရုံကြီး၌ ကျင်းပခဲ့ပြီး ဆေးရုံအုပ်ကြီးမှ အဖွင့်အမှာစကားပြောကြားခြင်းနှင့် ကျန်းမာရေးအကြောင်း သိကောင်းစရာများ ပြောကြားခြင်း၊ မြို့နယ်တာဝန်ခံ ဦးမင်းဇော်မှ စားသုံးသူကာကွယ်ရေး ဥပဒေပြဌာန်းချက်များနှင့် စားသုံးသူအခွင့်အရေး၏ တာဝန်များ၊ ကုန်အညွန်းအမှတ်အသား ဖော်ပြခြင်းဆိုင်ရာများ၊ ကုန်စည်/ ဝန်ဆောင်မှုနှင့် စပ်လျဉ်း၍ ဆုံးရှုံးနစ်နာမှုများ တိုင်ကြားလာမှုအပေါ် စုံစမ်းစစ်ဆေးခြင်းနှင့် ဆောင်ရွက်မှုအခြေအနေများ မိတ်ဖက်ဌာနများနှင့် ဈေးကွက်အတွင်းစစ်ဆေးဆောင်ရွက်မှုများ၊ online မှ ရောင်းချသူများအနေဖြင့် မှတ်ပုံတင်ဆောင်ရွက်ထားရှိရမည်ဖြစ်ကြောင်း၊ မှတ်ပုံတင်ရာတွင် မိမိဖုန်းဖြင့် online တွင် ဝင်ရောက်မှတ်ပုံတင်ရမည်ဖြစ်ကြောင်း၊ မှန်ကန်သည့် ကိုယ်ရေးအချက်အလက်နှင့် တကွ သက်ဆိုင်ရာထောက်ခံချက်များ ပြည့်စုံစွာပေးဆောင်ရမည်ဖြစ်ကြောင်းနှင့် မှတ်ပုံတင်ထားမှု့ မရှိသော online ရောင်းဝယ်မှုများအား အရေးကြီးကုန်စည် ဥပဒေအရအရေးယူနိုင်ပြီး တရားဝင်မဟုတ်သော online sale များမှ ဝယ်ယူခြင်းမပြုကြရန် အသိပေး ပြောကြားခဲ့သည်ဟု သိရှိရပါသည်။
DOCA(ဧရာဝတီ)