ကမ္ဘောဒီးယားနိုင်ငံနှင့် တောင်ကိုရီးယားနိုင်ငံတို့က အာမခံဖွံ့ဖြိုးတိုးတက်ရေးဆိုင်ရာ နားလည်မှုစာချွန်လွှာလက်မှတ်ရေးထိုး

          ကမ္ဘောဒီးယားနိုင်ငံ၊ အာမခံလုပ်ငန်း(IRC)နှင့် Korea Insurance Development Institute (KIDI) တို့သည် ကမ္ဘောဒီးယားနိုင်ငံနှင့်တောင်ကိုရီးယားနိုင်ငံတို့အကြား အာမခံဖွံ့ဖြိုး တိုးတက်ရေးဆိုင်ရာ နာလည်မှုစာချွန်လွှာ(MoU) ကို ၅-၃-၂၀၂၅ ရက်နေ့က လက်မှတ်ရေးထိုး ခဲ့ကြသည်။ အဆိုပါနားလည်မှုစာချွန်လွှာကို IRC ညွှန်ကြားရေးမှူးချုပ် Bou Chanphirou၊ (KIDI) ဥက္ကဋ္ဌ Chang-Eon Heo တို့က စီးပွားရေးနှင့် ဘဏ္ဍာရေးဝန်ကြီးဌာန၊ ဘဏ်မဟုတ် သောငွေကြေးမဟုတ်သောဝန်ဆောင်မှုအာဏာပိုင်အဖွဲ့ (NBFSA) ၏ ဒုတိယ ဥက္ကဋ္ဌ Ros Seilava ထံတွင် လက်မှတ်ရေးထိုးခဲ့ကြသည်။ နားလည်မှုစာချွန်လွှာအရ နှစ်ဖက်အပြန်အလှန် လာရောက်လည်ပတ်ခြင်းနှင့် နှီးနှောဖလှယ်ခြင်းများ၊ စက်မှုလုပ်ငန်းဆိုင်ရာ အခမ်းအနားများ ကျင်းပခြင်း အပါအဝင်နှစ်ဖက်ဝန်ထမ်းများ အပြန်အလှန်ဖလှယ်ခြင်းတို့ ပါဝင်မည်ဖြစ်သည်။ နှစ်ဖက်လုံးမှအာမခံလုပ်ငန်းနှင့်ပတ်သက်သည့် သတင်းအချက်အလက်များ အထူးသဖြင့် အာမခံစာရင်းအင်းစီမံခန့်ခွဲမှုနှင့် အိုင်တီအခြေခံအဆောက်အအုံဖွံ့ဖြိုးတိုးတက်ရေးကဏ္ဍနှင့် နှစ်ဖက်အဖွဲ့အစည်းများမှ သဘောတူညီထားသည့် အခြားဆက်စပ်အကြောင်းအရာမျာကို ဖလှယ်ကြမည်ဖြစ်သည်။ အဆိုပါ နားလည်မှုစာချွန်လွှာသည် ကိုရီးယားနှင့် ကမ္ဘောဒီးယား နှစ်နို်ငငံရှိ အာမခံကဏ္ဍကို စီမံခန့်ခွဲရေးနှင့်ဖွံ့ဖြိုးတိုးတက်ရေးဆိုင်ရာ စွမ်းဆောင်ရည် မြှင့်တင်ရန်အတွက် အတွေ့အကြုံများနှင့် နည်းပညာပိုင်းဆိုင်ရာကျွမ်းကျင်မှုများ မျှဝေခြင်းဖြင့် ပူးပေါင်းဆောင်ရွက်မှုအားကောင်းလာစေရန် ရည်ရွယ်ထားကြောင်း ညွှန်ကြားရေးမှူးချုပ် Bou Chanphirou မှ ပြောကြားခဲ့သည်။ အာမခံလုပ်ငန်းသည် ၂၀၂၄ ခုနှစ်တွင် စုစုပေါင်း ကန်ဒေါ်လာ ၃၅၆.၄ သန်းရှိခဲ့ပြီး ၂၀၂၃ ခုနှစ်နှင့် နှိုင်းယှဉ်ပါက၃.၅ ရာခိုင်နှုန်းတိုးလာခဲ့ကြောင်း IRC ၏ အစီရင်ခံစာတွင်ဖော်ပြထားသည်။

DOCA(ရန်ကုန်)