ကမ္ဘောဒီးယားဝန်ကြီးချုပ် Hun Manet က ၂၀၂၅ ခုနှစ်တွင် အရှေ့တောင်အာရှနိုင်ငံများ သို့နိုင်ငံတကာလေကြောင်းလိုင်း နှစ်ခုပျံသန်းပြေးဆွဲရန် စီစဉ်ထားကြောင်း ၅-၃-၂၀၂၅ ရက်နေ့ ကပြောကြားခဲ့သည်။ Emirates လေကြောင်းသည် Dubai- Siem Reap တို့အကြားပျံသန်း ပြေးဆွဲမှုကို ၂၀၂၅ ခုနှစ် နှစ်လည် (၃-၆-၂၀၂၅)တွင် စတင်မည်ဖြစ်ပြီး တူရကီလေကြောင်းလိုင်း သည် ၂၀၂၅ ခုနှစ်အကုန်(၁၀-၁၂-၂၀၂၅) တွင် Istanbul- Phnom Penh တိုက်ရိုက်ပျံသန်းမှုကို စတင်မည်ဖြစ်ကြောင်း ပြောကြားခဲ့ပြီး ကမ္ဘောဒီးယားနိုင်ငံ၏ လေကြောင်းလုပ်ငန်းသည် ၂၀၂၄ ခုနှစ်ထက် သိသာထင်းရှားသောတိုးတက်မှုကို ရရှိနိုင်ကြောင်း ထပ်မံပြောကြားခဲ့သည်။ ပြည်တွင်း နှင့်နိုင်ငံတကာလေကြောင်းလိုင်း ၃၁ ခုသည် ၂၀၂၄ ခုနှစ်တွင် ကမ္ဘောဒီးယားနိုင်ငံ၏ နိုင်ငံတကာလေဆိပ် ၃ ခုသို့ပျံသန်းမှု ၅၈,၃၅၄ ကြိမ်ပျံသန်းခဲ့ပြီး တစ်နှစ်ထက်တစ်နှစ် ၁၄ ရာခိုင်နှုန်းတိုးမြင့်လာခဲ့ကြောင်း ဝန်ကြီးချုပ်က ထပ်မံပြောကြားခဲ့သည်။ ကမ္ဘောဒီးယားနိုင်ငံ သည် နိုင်ငံအတွင်းနှင့်ဒေသ ၁၂ ခုသို့တိုက်ရိုက်ပျံသန်းမှုပြုလုပ်ခဲ့ပြီး လေကြောင်းခရီးသည် ၆.၂၄ သန်း ရရှိခဲ့ပြီး တစ်နှစ်ထက်တစ်နှစ် ၂၂ ရာခိုင်နှုန်း တိုးတက်လာခဲ့သည်။
DOCA(ရန်ကုန်)