အိန္ဒိယနိုင်ငံသည်ကမ္ဘာ့အကြီးမားဆုံးစားသုံးသူဈေးကွက်များထဲမှတစ်ခုဖြစ်ပြီး ကြွယ်ဝ သောယဉ်ကျေးမှုနှင့် ကွဲပြားသောလူမှုဝန်းကျင်တို့ကြောင့် ဗီယက်နမ်စိုက်ပျိုးမွေးမြူရေး ထုတ်ကုန်များတင်ပို့သူများအနေဖြင့် ထိုအလားအလာရှိသောဈေးကွက်သို့ ဝင်ရောက်ရန် အတွက် စားသုံးသူများ၏ဦးစားပေးမှုကို ဂရုပြုလေ့လာရန် အိန္ဒိယနိုင်ငံဆိုင်ရာ ဗီယက်နမ် ကုန်သွယ်ရေးရုံးက အကြံပြုခဲ့ပါသည်။ ထိုကုန်သွယ်ရေးရုံး၏အဆိုအရ နှစ်နိုင်ငံကြား ကုန်သွယ်ရေးကြီးထွားလာမှုသည် ဘက်ပေါင်းစုံပူးပေါင်းဆောင်ရွက်ရေးတွင် အဓိကကျသော ဒေါက်တိုင်တစ်ခုဖြစ်လာကြောင်း သိရပါသည်။ ၂၀၀၀ ခုနှစ်တွင် အပြန်အလှန်ကုန်သွယ်မှု အမေရိကန်ဒေါ်လာ သန်း ၂၀၀ မှ ၂၀၂၄ ခုနှစ်တွင် အမေရိကန်ဒေါ်လာ ၁၅ ဘီလီယံနီးပါးထိ ရောက်ရှိခဲ့ကြောင်း သိရပါသည်။ အမေရိကန်ဒေါ်လာ ၉.၀၆ ဘီလီယံတန်ဖိုး တင်ပို့ခဲ့ခြင်းနှင့် အတူအိန္ဒိယသည် ဗီယက်နမ်၏ ၈ ခု မြောက်အကြီးမားဆုံးကုန်သွယ်ရေးမိတ်ဖက် ဖြစ်လာကြောင်း သိရပါသည်။ တစ်ချိန်တည်းမှာပင် အိန္ဒိယသည် ဗီယက်နမ်၏ တောင်အာရှတွင် အကြီးမားဆုံးဈေးကွက်ဖြစ်ပြီး ဗီယက်နမ်၏ ထိုဒေသသို့တင်ပို့မှုစုစုပေါင်း၏ ၈၀ ရာခိုင်နှုန်းသည် အိန္ဒိယသို့ဖြစ်ကြောင်း သိရပါသည်။ ၂၀၂၄ ခုနှစ်တွင် အိန္ဒိယသို့ များစွာသော ဗီယက်နမ်၏ စိုက်ပျိုးမွေးမြူရေးထုတ်ကုန်များတင်ပို့မှုသည် စံချိန်တင်မြင့်တက်ခဲ့ကြောင်း သိရပါသည်။ အထူးသဖြင့် လက်ဖက်(၁၈.၇ ရာခိုင်နှုန်း)၊ ငရုတ်ကောင်း (၉.၃ရာခိုင်နှုန်း)၊ သစ်နှင့်သစ် ထုတ်ကုန် (၁၈ ရာခိုင်နှုန်း)၊ ရေထွက်ကုန်များ(၁၂ ရာခိုင်နှုန်း)၊ ကြိမ်နှင့်ဝါးထုတ်ကုန်များ(၁၁ ရာခိုင်နှုန်း)၊ ရာဘာထုတ်ကုန်များ( ၁၁ ရာခိုင်နှုန်း)နှင့် မုန့်မျိုးစုံ(၁၁.၁ ရာခိုင်နှုန်း) အသီးသီးကြီး ထွားခဲ့ကြောင်း သိရပါသည်။ သို့သော် အိန္ဒိယထံမှ ဗီယက်နမ်၏ စိုက်ပျိုးမွေးမြူရေး ထုတ်ကုန်များ ပြန်လည်တင်သွင်းမှုမှာ များစွာကျဆင်းခဲ့ကြောင်း သိရပါသည်။ ၂၀၂၅ ခုနှစ်တွင် ဗီယက်နမ်သည် အမေရိကန်၊ တရုတ်နှင့် ဂျပန်အစရှိသည့် အစဉ် အလာဈေးကွက်များအပြင် ကမ္ဘာ့ငါးခုမြောက်စီးပွားရေးအင်အားအကြီးဆုံး အိန္ဒိယသို့ စိုက်ပျိုးမွေးမြူရေး ထုတ်ကုန်များ တင်ပို့မှုတိုးချဲ့လျက်ရှိကြောင်း သိရပါသည်။ အိန္ဒိယနိုင်ငံဆိုင်ရာ ဗီယက်နမ် ကုန်သွယ်ရေး အတိုင်ပင်ခံပုဂ္ဂိုလ် Bui Trung Thuong ကအိန္ဒိယဈေးကွက်သည် ဗီယက်နမ်စီးပွားရေး လုပ်ငန်းများအတွက် များစွာသောအခွင့်အလမ်းများကို ပေးစွမ်းနိုင်ကြောင်း သိရပါသည်။ ဗီယက်နမ်စီးပွားရေးလုပ်ငန်းများသည်လည်း အိန္ဒိယတွင်ကျင်းပသည့် ကုန်စည်ပြပွဲ များကို တက်ကြွစွာပါဝင်ဆင်နွှဲသင့်ကြောင်း သိရပါသည်။ များစွာသော ဗီယက်နမ်ကုမ္ပဏီများ သည် ထိုပွဲများမှတစ်ဆင့် ကြီးမားပြီး ရေရှည်စာချုပ်များ ချုပ်ဆိုနိုင်ကြောင်း Thuong က ပြောကြားခဲ့ပါသည်။
DOCA(ရန်ကုန်)