EU ကိုယ်စားလှယ်အဖွဲ့သည် Preah Sihanouk ပြည်နယ်တွင် ရင်းနှီးမြှုပ်နှံမှု အခွင့်အလမ်းများရှာဖွေ

          ကမ္ဘောဒီးယားနိုင်ငံဆိုင်ရာ ဥရောပသမဂ္ဂကိုယ်စားလှယ်အဖွဲ့၏ ပြန်ကြားရေးနှင့်နိုင်ငံရေး ရာအကြီးအကဲ Andreas Berg ဦးဆောင်သော နိုင်ငံ ၁၀ နိုင်ငံမှ ကိုယ်စားလှယ် ၁၂ ဦးပါဝင်သည့် ဥရောပ သမဂ္ဂကိုယ်စားလှယ်အဖွဲ့အား Preah Sihanouk ပြည်နယ်၊ ဒုတိယအုပ်ချုပ်ရေးမှူး Long Dimanche တို့ ၆-၃-၂၀၂၅ ရက်နေ့က တွေ့ဆုံဆွေးနွေးမှုများ ပြုလုပ်ခဲ့သည်။ Preah Sihanouk ပြည်နယ်သို့ EU ကိုယ်စားလှယ်အဖွဲ့ရောက်ရှိလာမှုသည် ကိုယ်ပိုင်အုပ်ချုပ်ခွင့်ရ ဆိပ်ကမ်းများဖွံ့ဖြိုးတိုးတက်ရေး၊ ပူးပေါင်းဆောင်ရွက်မှု အားကောင်း လာစေရေးနှင့် ပြည်နယ်အတွင်းရင်းနှီးမြှုပ်နှံမှု အခွင့်အလမ်းများအကြောင်း လေ့လာရန် ဖြစ်သည်။ Long Dimanche က Preah Sihanouk ပြည်နယ်သည် စီးပွားရေးကွဲပြားစေသောကြောင့် ခရီးသွား လုပ်ငန်းကိုသာ အားကိုးနေရသောကြောင့် နိုင်ငံတကာကုန်သွယ်မှုများမှ ဝင်ငွေလမ်းကြောင်း များ တိုးမြင့်လာနိုင်ကြောင်းနှင့် ထောက်ပံ့ပိုဆောင်ရေးဗဟိုဌာန၊ နိုင်ငံတကာ ဘက်စုံကုန်စည် ပို့ဆောင်ရေးစင်တာ၊ ဇိမ်ခံခရီးသွားလုပ်ငန်းနယ်မြေနှင့် ခေတ်မီတိုးတက်သောမြို့တော် ဖြစ်လာနိုင်မည်ဖြစ်ကြောင်း ပြောကြားခဲ့သည်။ ယခုခရီးစဉ်သည် EU ကိုယ်စားလှယ်အဖွဲ့၏ ပထမဆုံး တရားဝင်ခရီးစဉ်ဖြစ်ပြီး ကမ္ဘောဒီးယားနိုင်ငံအတွက် ဖွံ့ဖြိုးတိုးတက်ရေးနှင့် စီးပွားရေး တိုးတက်မှုများအတွက် အလားအလာများစွာရှိကြောင်း ကိုယ်စားလှယ်အဖွဲ့အကြီးအကဲ က ပြောကြားခဲ့သည်။ ကိုယ်စားလှယ်အဖွဲ့သည် ဆောက်လုပ်ရေး၊ စက်မှုလုပ်ငန်း၊ ရေကြောင်း ပို့ဆောင်ရေး၊ ဆိပ်ကမ်းများနှင့် ဦးစားပေးကဏ္ဍများတွင် ရင်းနှီးမြှုပ်နှံမှုများပြုလုပ်ရန် ရည်ရွယ်ချက်များရှိကြောင်း ထုတ်ဖော်ပြောကြားခဲ့သည်။

DOCA(ရန်ကုန်)