မြူရွက်ဟာ ဆောင်းအကုန်နွေအကူး တပိုတွဲလ တပေါင်းလတို့တွင် လှိုင်လှိုင်ပေါက်ရောက် သောရာသီစာအရွက် တစ်မျိုးဖြစ်ပါသည်။ စိုထိုင်းဆရှိတဲ့ မြေနေရာတွေမှာ ပေါက်ရောက်ပြီး အပင်ပု မျိုးဖြစ်ကာ အရွက်ကခပ်ဖားဖားလေးတွေရှိကြောင်း ရိုးတံကအနည်းငယ်ပျော့ပြီး အရွက်ကနူးညံ့ ကာ ဟင်းနုနယ်ရွက်နဲ့ဆင်တူပြီး တစ်ပင်လုံးစားလို့ရကြောင်း၊ မြူရွက်သည် ကန့်ဘလူမြို့နယ် ကျေးရွာများမှ လာရောက်ရောင်းချကြောင်း သိရသည်။
မြူရွက်လေးများကို ရေနွေးဖျောပြီး ရေစင်အောင်ညှစ်၊ သံပုရာရည်နိုင်နိုင်လေးနဲ့ ငရုတ်သီး စိမ်း၊ ကြက်သွန်နီ၊ ပုစွန်ခြောက်ထောင်း၊ မြေပဲထောင်းပြီး ဆီချက်(သို့) ဆီစိမ်းလေးနဲ့ သုပ်စားကာ ခံတွင်းမြိန်စေတဲ့ ဆေးဖက်ဝင် အရွက်သုပ်တစ်မျိုးဖြစ်ပါတယ်။ ၂၀၂၅ခုနှစ်၊ မတ်လ ပထမပတ် အတွင်း ကန့်ဘလူမြို့၊ မြို့မဈေးတွင်း ရောင်းချနေသော မြူရွက်ဈေးနှုန်းမှာ မြူရွက်(၁)ပုံလျှင် (၅၀၀)ကျပ်၊ မြူရွက်(၂၅)ကျပ်သားပါ(၁)ထုပ်လျှင်(၁၅၀၀)ကျပ်နှင့် မြူရွက်(၁)ပိဿာပါ(၁)ထုပ်လျှင် (၅၈၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သိရသည်။
DOCA(စစ်ကိုင်း)