အိန္ဒိယနိုင်ငံ၌ ပဲတင်သွင်းမှုအပေါ် အခွန်စည်းကြပ်မှုနှင့် စပ်လျဉ်း၍ ဘဏ္ဍာရေးဝန်ကြီးဌာန လက်အောက်ရှိ အခွန်ဦးစီးဌာနသည် မတ်လ ၇ ရက်နေ့တွင် အမိန့်ကြော်ငြာစာ နှစ်စောင်ကို ထုတ် ပြန်ခဲ့ရာ ပဲနီလေးအား အကောက်ခွန်လွတ် တင်သွင်းခွင့်ပြုထားရာမှ မတ်လ ၈ ရက်နေ့မှစတင်၍ အခြေခံအကောက်ခွန်နှုန်းထား ၅ ရာခိုင်နှုန်းနှင့် ထိုကဲ့သို့ စည်းကြပ်သည့်အခွန်အပေါ် လယ်ယာ စိုက်ပျိုးရေး အခြေခံအဆောက်အအုံ ရန်ပုံငွေ ခိုင်ကြေး (Agriculture Infrastructure and Development Cess - AIDC) ၅ ရာခိုင်နှုန်းတို့ကို ကောက်ခံမည်ဖြစ်ကြောင်းနှင့် စားတော်ပဲအား အကောက်ခွန်လွတ် တင်သွင်းခွင့်ပြုထားခြင်းကို နောက်ထပ် သက်တမ်း ၃ လ တိုးမြှင့်လျက် ယခုနှစ် မေလ ၃၁ ရက်နေ့အထိ ခွင့်ပြုလိုက်ကြောင်း သိရှိရပါသည်။
အိန္ဒိယအစိုးရသည် ၂၀၂၃ ခုနှစ် ဒီဇင်ဘာလမှ စတင်၍ စားတော်ပဲဝါ တင်သွင်းမှုအပေါ် အကောက်ခွန် ကင်းလွတ်ခွင့်ပေးခြင်းကို ကာလသတ်မှတ်ချက်ဖြင့် အကြိမ်ကြိမ် သက်တမ်းတိုး ခွင့်ပြုခဲ့ပြီး ယခင် တတိယအကြိမ် တိုးမြှင့်ပေးခဲ့သည့် ကာလမှာ ဖေဖော်ဝါရီလ ၂၈ ရက်နေ့ အထိ ဖြစ်ကြောင်း၊ အိန္ဒိယနိုင်ငံအနေဖြင့် ၂၀၂၄ ခုနှစ်အတွင်း ပဲမျိုးစုံတန်ချိန် ၆၇ သန်းခန့် တင်သွင်းခဲ့ သည့်အနက် စားတော်ပဲဝါ ပါဝင်မှုမှာ တန်ချိန် သိန်း ၃၀ ခန့်ရှိကြောင်း The Hindu Business Line သတင်းဌာနက ဖော်ပြထားသည်။
Source: The Hindu Business Line, 9 March, 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)