၂၀၂၅ ခုနှစ်၏ ပထမနှစ်လတွင် ဗီယက်နမ်နှင့်တရုတ်ကြား အပြန်အလှန်ကုန်သွယ်မှု တန်ဖိုးမှာ အမေရိကန်ဒေါ်လာ ၃၁ ဘီလီယံကျော်ရောက်ရှိခဲ့ကြောင်း ဗီယက်နမ်နိုင်ငံ အမျိုးသားစာရင်းအင်းရုံး၏ အချက်အလက်များအရ သိရပါသည်။ ထိုနှစ်လအတွင် ဗီယက်နမ်၏ တရုတ်နိုင်ငံထံမှ တင်သွင်းမှုတန်ဖိုးမှာ အမေရိကန်ဒေါ်လာ ၂၃.၃ ဘီလီယံ ရောက်ရှိခဲ့ပြီး ၂၀၂၄ ခုနှစ် တူညီသည့်ကာလနှင့်နှိုင်းယှဉ်ပါက ၂၀.၇ ရာခိုင်နှုန်းမြင့်တက်ခဲ့ ကြောင်း သိရပါသည်။ သို့သော် တရုတ်နိုင်ငံထံသို့ တင်ပို့မှုတန်ဖိုးမှာ အမေရိကန်ဒေါ်လာ ၇.၉ ဘီလီယံ ရှိခဲ့ပြီး ၂၀၂၄ ခုနှစ်တူညီသည့်ကာလထက် ၂.၁ ရာခိုင်နှုန်းကျဆင်းခဲ့ကြောင်း သိရပါသည်။ ဗီယက်နမ်သည် ဖေဖော်ဝါရီလတွင် အမေရိကန်ဒေါ်လာ သန်း ၃၅၀ တန်ဖိုး ရှိသော သစ်သီးနှင့်ဟင်းသီးဟင်းရွက်များတင်ပို့ခဲ့သည့်အတွက် ယခုနှစ်၏ပထမ နှစ်လတာ ကာလတွင် သစ်သီးနှင့်ဟင်းသီးဟင်းရွက်တင်ပို့မှုမှ စုစုပေါင်းဝင်ငွေ အမေရိကန်ဒေါ်လာ ၇၂၄ သန်းထိ ရရှိခဲ့ပြီဖြစ်ကြောင်း ဗီယက်နမ်နိုင်ငံ စိုက်ပျိုးမွေးမြူရေးနှင့် ကျေးလက်ဒေသဖွံ့ဖြိုး တိုးတက်ရေးဝန်ကြီးဌာန၏ အဆိုအရသိရပါသည်။ ၂၀၂၄ ခုနှစ်၏ ပထမနှစ်လနှင့်နှိုင်းယှဉ် ပါက တရုတ်သို့သစ်သီးနှင့် ဟင်းသီးဟင်းရွက်တင်ပို့မှုမှာ ၄၃ ရာခိုင်နှုန်းကျဆင်းခဲ့ပြီး အမေရိကန်နှင့် ထိုင်းသို့တင်ပို့မှုမှာ ၃၈ ရာခိုင်နှုန်းနှင့် ၅ ရာခိုင်နှုန်း အသီးသီး မြင့်တက်ခဲ့ ကြောင်း သိရပါသည်။ ယခုနှစ်၏ အစမှစ၍ တရုတ်သည် ဒူးရင်းသီးအပါအဝင် ဗီယက်နမ် ထံမှ သစ်သီးနှင့်ဟင်းသီးဟင်းရွက်အမျိုးအစာအချို့တင်သွင်းမှုကို တင်းကျပ်ခဲ့ကြောင်း သိရ ပါသည်။ တရုတ်သည် ဗီယက်နမ်၏ အကြီးမားဆုံးတင်သွင်းရာဈေးကွက်ဖြစ်ပြီး ဒုတိယ အကြီးမားဆုံး တင်ပို့ရာဈေးကွက်ဖြစ်ကြောင်း သိရပါသည်။ ထို့ပြင်တရုတ်သည် ဗီယက်နမ် သို့ ကုန်ပစ္စည်းများ အထူးသဖြင့် ကုန်ထုတ်လုပ်ရန်အတွက် ကုန်ကြမ်းပစ္စည်းများ အကြီးမား ဆုံးရောင်းချသူဖြစ်ကြောင်း သိရပါသည်။ ၂၀၂၄ ခုနှစ်တွင် နှစ်နိုင်ငံအပြန်အလှန်ကုန်သွယ်မှု တန်ဖိုးသည် စံချိန်တင် အမေရိကန်ဒေါ်လာ ၂၀၅ ဘီလီယံ သို့ရောက်ရှိခဲ့ကြောင်း သိရ ပါသည်။
DOCA(ရန်ကုန်)