တရုတ်နိုင်ငံနှင့် နယ်နိမိတ်ချင်း ထိစပ်နေသော Lao Cai ပြည်နယ် မြောက်ပိုင်းသည် တရုတ် နိုင်ငံနှင့် အပြန်အလှန် အကျိုးရှိသော ပူးပေါင်းဆောင်ရွက်မှုများ တိုးတက်စေရန် ၎င်း၏ နယ်စပ် အားသာချက်များကို အပြည့်အဝ အသုံးချရန် ကတိပြုထားကြောင်း ပြည်နယ်ခေါင်းဆောင် Trinh Xuan Truong က မတ်လ ၇ ရက်နေ့တွင် ပြောကြားခဲ့သည်။ လာအိုကိုင်ပြည်နယ်ပါတီကော်မတီ အတွင်းရေးမှူးနှင့် ပြည်သူ့ကော်မတီဥက္ကဋ္ဌ Truong က ပြည်နယ်သည် နယ်စပ်ဖြတ်ကျော် အခြေခံ အဆောက်အအုံ ချိတ်ဆက်မှု တိုးမြှင့်ရေး၊ နယ်စပ်ဖြတ်ကျော် စီးပွားရေး ပူးပေါင်းဆောင်ရွက် မှုဇုန်များ တည်ဆောက်ရေး တက်ကြွစွာ စူးစမ်းလေ့လာပြီး ပြည်သူများအတွက် ရေရှည်အကျိုး ဖြစ်ထွန်းစေမည် ဖြစ်ကြောင်းပြောကြားခဲ့သည်။ Truong သည် ဗီယက်နမ်နိုင်ငံ ဆိုင်ရာ တရုတ်သံ အမတ်ကြီး He Wei နှင့် ဗီယက်နမ်နိုင်ငံ မြို့တော်ဟနွိုင်းတွင် တွေ့ဆုံစဉ် နှစ်နိုင်ငံပြည်နယ်အလိုက် ဖလှယ်ရေးနှင့် ပူးပေါင်းဆောင်ရွက်မှု ကျယ်ပြန့်လာမည့် အလားအလာများကို အလေးပေး ပြောကြား ခဲ့ပါသည်။ နှစ်နိုင်ငံဆက်ဆံရေးတွင် အခွင့်အလမ်းများ တိုးပွားလာသည်ကို သတိပြုမိပြီး Belt and Road Initiative နှင့် ဒေသတွင်း ဖွံ့ဖြိုးတိုးတက်ရေးဗဟိုချက်အဖြစ် နက်ရှိုင်းစွာ လိုက်လျောညီထွေ ရှိရန် Lao Cai အား တိုက်တွန်းခဲ့သည်။
DOCA(ရန်ကုန်)