ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွင်းရှိ ကျေးရွာအုပ်စုများမှ ချဉ်ပေါင်စိုက် တောင်သူများအနေဖြင့် ၎င်းတို့၏ ထွက်ကုန်ချဉ်ပေါင်များအား ဈေးကွက်အတွင်း ပို့ဆောင်ရောင်းချခြင်းဖြင့် နေစဉ်ပုံမှန်ဝင်ငွေရရှိလျက်ရှိသည်။
အဆိုပါ ချဉ်ပေါင်စိုက် တောင်သူသည် မျိုး ၁ပြည်ကို ၁၀၀၀၀-၁၄၀၀၀ကျပ် ဖြင့် ဝယ်ယူပြီး ၁ဧကတွင် ၆ပြည် ကျဲပတ်ကြောင်းသိရသည်။ ဖေဖော်ဝါရီလတွင် စတင်စိုက်ပျိုးပြီး ၁လအကြာတွင် ရောင်းတန်းဝင်ကြောင်း၊ မြန်မာချဉ်ပေါင်၊ ချဉ်ပေါင်နီ၊ လက်ချား ချဉ်ပေါင်တို့ စိုက်လေ့ရှိကြပြီး ချဉ်ပေါင်စေ့ ကျဲပြီး (၃)ရက်မှ (၅)ရက်အတွင်း အပင်ငယ်များ ဖြစ်လာကြောင်း၊ (၁)ဧကလျှင် မျိုးစေ့ (၆)ပြည် ကျဲစိုက်ရကြောင်းနှင့် စိုက်ပျိုးပြီး (၄၅)ရက်မှ (၆၀)ရက်အတွင်း ခူးဆွတ်ကာ ဈေးကွက်တင်ပို့နိုင်ကြောင်း၊ ကုန်ကျစရိတ်အနေဖြင့် ၂၀၀၀၀ကျပ် ကုန်ကျပြီးကြောင်း သိရသည်။ ၁ဧက ထွက်ရှိမှုအနေဖြင့် ၁ဧကတွင် ချဉ်ပေါင် အစီရေး ၄၀၀၀နီးပါး ရရှိကြောင်းနှင့် ချဉ်ပေါင်၁စီးကို (၁၀၀)ကျပ်ဖြင့် လက်ကားရောင်းချသည်။ အကျိုးအမြတ်အနေဖြင့် ငွေကျပ် ၂၀၀၀၀၀ ရရှိသည်။ ချဉ်ပေါင်စိုက် တောင်သူများအနေဖြင့် ပုံမှန် ဝင်ငွေများ ရရှိလျက်ရှိကြောင်း သိရသည်။ ချဉ်ပေါင်မျိုးကို ဆက်လက်စိုက်ပျိုးရန် ၁ဧကစာ မျိုးပင်ထားဆက်လက်ထားရှိကြောင်း စိုက်ပျိုးသူထံမှ သိရသည်။
ဈေးကွက်အနေဖြင့် တောင်သူများက ရန်ကုန်ကုစိမ်းကား တစ်ရက်ခြားတစ်ခါလာရောက်၍ ရန်ကုန်ဈေးကွက်အတွင်းသို့ တင်ပို့ရပြီး မြို့နယ်တွင်းသို့လည်း တင်ပို့ရောင်းချကြောင်း သိရှိရပါသည်။
DOCA (ဧရာဝတီ)