၂၀၂၅ ခုနှစ် ၊ မတ် လ၊ ၆ ရက်နေ့
လယ်ယာထွက်ကုန်ပစ္စည်းများ လှိုင်လှိုင်ပေါသည့် ဒေသထဲတွင် ပါဝင်သော ရှမ်းပြည်နယ် ရှိမြို့တော် တောင်ကြီးဒေသတစ်ဝိုက်နှင့် အောင်ပန်း ၊အင်းလေး ၊ ရွာငံ ဟဲဟိုး၊ပင်းတယ စသော မြို့များတွင် ဤရာသီဆောင်းအကုန်နွေအကူးတွင်ကလေး၊ လူကြီးအကြိုက် စတော်ဘယ်ရီသီး များလှိုင်လှိုင်ပေါလျက်ရှိသည်။
စတော်ဘယ်ရီသီးကို ဒေသထွက်အသီးမျိုးနှင့် ဂျပန်သီးဟူ၍ နှစ်မျိုးရှိသည်။ ဒေသသီး ပုံစံမှာအနည်းငယ်ရှည်ပြီး အရသာမှာချဉ်ချိုဖြစ်၍ ဂျပန်သီးမှာ အချိုအရသာ ပိုကဲသည်။ ဒေသထွက်ကုန် သဘာဝလယ်ယာထွက် သီးနှံများဖြစ်သောကြောင့် ပိုလတ်ဆတ်/ ပိုဘေးကင်း ကာ ပိုနူးညံ့ပြီးစား ကောင်းသည့် စတော်ဘယ်ရီသီးများကို ထုတ်ပိုးမှု ပုံစံပြောင်းကာ ဈေးကွက် အတွင်း ရောင်းချလျက်ရှိသည်။
ယခင် ဝါးခြင်းလေးများဖြင့် ရောင်းချ နေရာမှ ယခုအခါ ကော်ခြင်းများ ကော်ရေပုံးများဖြင့် ၁ ပိဿာ ၅၀ သား (အဝက်သား)ခွဲ၍ ရောင်းချလျက်ရှိကြောင်း ရောင်းချသူတစ်ဦးမှ ရှင်းပြချက်အရ သိရှိခဲ့ရပါသည်။ ထို့ကြောင့် ရာသီစာဖြစ်သော ဒေသထွက်ကုန် သဘာဝ လယ်ယာထွက် သီးနှံများ ဖြစ်သောရှမ်းပြည်စိုက် ဒေသအခေါ် ဂျပန်သီးနှင့်ဒေသစတော် ဘယ်ရီသီးများ ပိုမိုအရောင်းသွက် လျက်ရှိကြောင်း သိရှိရသည်။ ထို အသီးများကို လက်လီ ၁ ပုံး၊ လျှင် ၁ ပိဿာရှိပြီး ၁၀,၀၀၀ ကျပ် မှ ၁၅,၀၀၀ ကျပ်အထိ အလုံး အကြီး၊ အသေးပေါ်မူတည်၍ ဈေးနှုန်းကွာခြားမှုရှိသည်။ လက်ကားဈေးမှာ ၁ ပိဿာ ၇,၅၀၀ကျပ် ဖြင့် ၁၀ ပိဿာဖြင့် သစ်သီးဖာများဖြင့်ရောင်းချကာ အရောင်းသွက်လှျက် ရှိကြောင်း တောင်ကြီးစတော်ဘယ်ရီသီး များရောင်းချသူတစ်ဦး ထံမှ သိရှိခဲ့ရပါသည်။
DOCA(ရှမ်း)