သစ်သီးဈေးကွက်အတွင်းသို့ စစ်ကိုင်းတိုင်းဒေသကြီးနှင့် မန္တလေးတိုင်းဒေသကြီးအတွင်းရှိ ကျောက်ဆည်မြို့တို့မှ သခွားသီးများ အများဆုံးဝင်ရောက်လျက်ရှိကြောင်း သိရပါတယ်။ မန္တလေးတိုင်းဒေသကြီးတွင် ၂၀၂၄-၂၀၂၅ ဘဏ္ဍာနှစ်တွင် သခွားမွှေးသီး စိုက်ဧက (၁၃၀၀) ရှိကြောင်းသိရပါတယ်။ သခွားမွှေးသီး စားသုံးသုံးခြင်းဖြင့် အရေပြားနှင့် အသားအရေကို ကျန်းမာစေခြင်း၊ အမြင်အာရုံကိုကောင်းမွန်စေခြင်း၊ ကိုယ်ခံအားကောင်းမွန်စေခြင်း၊ သွားနှင့် သွားဖုံးကျန်းမာစေခြင်း၊ သွေးအားနည်းခြင်းမဖြစ်အောင် ကာကွယ်ပေးခြင်း၊ သွေးတိုးရောဂါကို လျော့ချပေးခြင်း၊ ကြွက်သားအားနည်းမှုကိုလျော့ချပေးခြင်း၊ မျိုးအောင်မှုကို အားကောင်းစေခြင်း နှင့်ဆီးလမ်းကြောင်းပိုးဝင်မှုကို ကာကွယ်ပေးခြင်းစသည့် အကျိုးကျေးဇူးများ ရရှိနိုင်ကြောင်း သိရပါတယ်။ မန္တလေးမြို့၊ ဈေးချိုဈေး၊ ၂၉လမ်းနှင့် ၃၁လမ်းကြား၊ ၈၄လမ်းနှင့်၈၅လမ်းကြားရှိ သစ်သီးပွဲရုံများသို့ သခွားမွှေးသီးများ ဝင်ရောက်လျက်ရှိပြီး လက်လီ၊ လက္ကားရောင်းချကြောင်း သိရပါတယ်။ မန္တလေးဈေးကွက်တွင် ၂၀၂၅ခုနှစ် မတ်လ ဒုတိယပတ်အတွင်း သခွားမွှေးသီး ဈေးမှာတစ်လုံးလျှင် အခွံစိမ်း(အရှည်) လက်လီ ၃၀၀၀ကျပ်မှ ၃၅၀၀ကျပ်ထိ၊ လက္ကား ၂၀၀၀ကျပ်မှ ၂၅၀၀ကျပ်ထိ၊ အခွံစိမ်း(အဝိုင်း) လက်လီ ၃၀၀၀ကျပ်မှ ၄၀၀၀ကျပ်ထိ၊ လက္ကား ၂၅၀၀ကျပ်မှ ၃၀၀၀ကျပ်ထိ၊ အခွံဝါ(အဝိုင်း) လက်လီ ၂၅၀၀ကျပ်မှ ၃၀၀၀ကျပ်ထိ၊ လက္ကား ၂၀၀၀ကျပ်မှ ၂၅၀၀ကျပ်ထိ ရောင်းချပြီး အသီးအရွယ်အစား အလုံးအလှပေါ်မူတည်ပြီး ဈေးနှုန်းအနည်းငယ် ကွာခြားမှုရှိကြောင်း သိရပါတယ်။ အနည်းငယ် ပူပြင်းလာသည့် နွေဦးရာသီဖြစ်၍ သခွားမွှေးသီး များအရောင်းသွက်လျက်ရှိကြောင်း သိရပါတယ်။
DOCA(မန္တလေး)