စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးနှင့် ပခုက္ကူခရိုင်ဦးစီးမှူးတို့၏လမ်းညွှန်မှုဖြင့် ပခုက္ကူခရိုင်ဦးစီးမှူးရုံးမှ ဆိပ်ဖြူမြို့နယ် တာဝန်ခံ ဦးဇော်နေလင်းသည် (၁၅.၃.၂၀၂၅)ရက်နေ့၊ ကမ္ဘာ့စားသုံးသူအခွင့်အရေးများနေ့ကို ကြိုဆို ဂုဏ်ပြုသောအားဖြင့် (၇.၃.၂၀၂၅)ရက်နေ့၊ နေ့လယ်(၀၉:၀၀)နာရီအချိန်တွင် မြို့နယ်ပြန်ကြားရေးနှင့် ပြည်သူ့ဆက်ဆံရေးရုံး၌ ဖွင့်လှစ်သည့် (အခမဲ့)ပန်းချီသင်တန်းကျောင်းတွင် သင်တန်းသား/ သင်တန်းသူ (၃၀)ဦး၊ ပြန်/ဆက်ဝန်ထမ်း(၃)ဦး၊ စုစုပေါင်း(၃၃)ဦးအား စားသုံးသူကာကွယ်ရေး အသိပညာ ပေးဟောပြောပွဲ ကျင်းပပြုလုပ်ခဲ့ပါသည်။
အဆိုပါအသိပညာပေးဟောပြောပွဲတွင် ဆိပ်ဖြူမြို့နယ် တာဝန်ခံ ဦးဇော်နေလင်းမှ ကမ္ဘာ့စားသုံးသူအခွင့်အရေးများနေ့ ပေါ်ပေါက်လာပုံနှင့် အခွင့်အရေးများနေ့ကို ဂုဏ်ပြုကြိုဆိုသောအားဖြင့် စားသုံးသူရေးရာဦးစီးဌာန ဝန်ထမ်းများက အသိပညာပေးကမ်ပိန်းဆောင်ရွက်မှုများ၊ ယခုဌာနမှဆောင်ရွက်သည့် လုပ်ငန်းများအကြောင်း၊ စားသုံးသူများရရှိရမည့် အခွင့်အရေးနှင့် လိုက်နာရမည့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များနှင့် စားသုံးသူကာကွယ်ရေးဥပဒေပါ ရည်ရွယ်ချက်များ၊ အခန်း(၁၈)ပါ ကုန်အညွှန်းအမှတ်အသားဆိုင်ရာ အချက်များနှင့် စားသုံးသူများမှ ကုန်စည်နှင့်ဝန်ဆောင်မှု များ အသုံးပြုခြင်းဖြင့် နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့်နည်းလမ်းများ၊ တိုင်ကြား နိုင်သူများ၊ တိုင်ကြားနိုင်သည့် နေရာများ၊ Consumer Call Center (1535)သို့လည်း မည်သည့်ဖုန်းဖြင့် မဆို ခေါ်ဆို တိုင်ကြားနိုင်ကြောင်းကို အကျယ်တဝင့်ရှင်းလင်းဆွေးနွေးခဲ့ပြီး တက်ရောက်လာသည့် သင်တန်းသား၊ သင်တန်းသူများအား စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)