စားသုံးသူရေးရာဦးစီးဌာန၊ မကွေးမြို့နယ်တာဝန်ခံသည် (၅.၃.၂၀၂၅)ရက်နေ့ နံနက် (၀၉:၀၀)မှ (၁၀:၃၀)နာရီအထိ မကွေးမြို့၊ မြို့မစျေးတွင် ရောင်းချလျှက်ရှိသော ကုန်စည်များအား နမူနာဝယ်ယူ၍ Mobile Lab Van ဖြင့် ရှောင်တခင်စစ်ဆေးခြင်းကို အစားအသောက်နှင့် ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့၊ ကျန်းမာ ရေးဦးစီးဌာန၊ မြန်မာနိုင်ငံရဲတပ်ဖွဲ့တို့ဖြင့် ပူးပေါင်းဆောင်ရွက်ခဲ့ကြောင်း သိရသည်။
ထိုသို့ နမူနာဝယ်ယူစစ်ဆေးခဲ့သော အသားတု၊ မုန့်ဖက်၊ (S) ပဲပြား၊ ပဲတီချဉ်၊ မုန်လာချဉ်၊ ကတက်ချဉ်နှင့် တမာရွက်ချဉ်တို့၌ အစားအစာများတွင်သုံးစွဲရန်မသင့်သော ချွတ်ဆေးများ၊ တာရှည်ခံ ဆေးများ သုံးစွဲထားခြင်း ရှိ/မရှိ Mobile Lab Van ဖြင့် ချက်ချင်းစစ်ဆေးခဲ့ရာ သုံးစွဲရန်မသင့်သော ချွတ်ဆေးများနှင့် တာရှည်ခံဆေးများ သုံးစွဲထားခြင်းမရှိကြောင်းနှင့် ပဲနီလေး၊ ငရုပ်သီးမှုန့်၊ အရောင် တင်မှုန့်နှင့် နနွင်းမှုန့်တို့အား အစားအသောက်နှင့်ဆေးဝါးကွပ်ကဲရေးဦးစီးဌာန ဓါတ်ခွဲခန်းသို့ ယူဆောင် စစ်ဆေးပြီး စားသုံးရန်မသင့်ကြောင်း စစ်ဆေးတွေ့ရှိပါက ထုတ်လုပ်သူ လုပ်ငန်းရှင်များအား ဥပဒေအရ အရေးယူဆောင်ရွက်သွားမည်ဖြစ်ကြောင်း သိရှိရပါသည်။
DOCA(မကွေး)