စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်၊ သရက်မြို့ တာဝန်ခံ ဦးအုန်းမြင့်(ဦးစီးမှူး)နှင့် ဝန်ထမ်းများသည် မိတ်ဖက်ဌာနများဖြစ်သည့် ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ မြို့နယ်စည်ပင်သာယာရေး အဖွဲ့တို့နှင့် ပူးပေါင်း၍ (၆.၃.၂၀၂၅) ရက်နေ့တွင် သရက်မြို့ တောင်မင်းတည်းရပ်ကွက် လမ်းမတော်လမ်းရှိ ရွှေဟင်္သာအမှတ်တံဆိပ်ဖြင့် ထုတ်လုပ်သော မလိုင်လုံး အလုပ်ရုံအား သွားရောက်၍ ဈေးကွက်စောင့်ကြည့် စစ်ဆေးခြင်းလုပ်ငန်း ဆောင်ရွက်ခဲ့ကြောင်း သိရသည်။
ထိုသို့ ကွင်းဆင်းစစ်ဆေးခဲ့ရာတွင် ၎င်းလုပ်ငန်းရှင်အား ကုန်စည်နှင့်ဝန်ဆောင်မှုအပေါ် တာဝန်ယူမှု၊ တာဝန်ခံမှုရှိစေရန်၊ မိမိတို့၏ စားသုံးသူကာကွယ်ရေးဥပဒေပါ အခန်း(၁၈) ပုဒ်မ (၄၁) တွင် ပါရှိသည့် ကုန်အညွှန်းအမှတ်အသား ဖော်ပြခြင်းဆိုင်ရာ အကြောင်းအရာများအား ရှင်းလင်း ပြောကြားပြီး ၎င်းကုန်စည်အား စစ်ဆေးရာတွင် စားသုံးသူရေးရာဦးစီးဌာနမှ သတ်မှတ်ထားသည့် ကုန်အညွှန်းအမှတ်အသားများ ပြည့်စုံစွာပါရှိကြောင်း စစ်ဆေးတွေ့ရှိခဲ့ရပြီး ထိုသို့ပြည့်စုံစွာ ဖော်ပြခြင်းသည် စားသုံးသူတို့၏ စိတ်ချယုံကြည်မှု အပြည့်အဝရရှိခံစားရမည်ဖြစ်ပြီး မိမိတို့၏ လုပ်ငန်းများကိုလည်း ပိုမိုတွင်ကျယ်စွာ ဆောင်ရွက်လာနိုင်မည်ဖြစ်ပါကြောင်း ပြောကြားခဲ့ကြောင်း သိရှိရပါသည်။
DOCA(မကွေး)