ဆောင်းအကုန်နွေအကူး လေရူးထသည့် နွေဦးကာလတွင် ရာသီဥတုပူပြင်းသဖြင့် အချို၊ အချဉ်၊ အငန်၊အစပ် အရသာများကို စားသုံးလေ့ရှိကြပါသည်။ တောင်ငူမြို့ပေါ်ရှိ လမ်းမများတွင် ရာသီဥတု ဒဏ်ကို အံတု၍ ဝမ်းရေးအတွက် လှုပ်ရှားနေကြသည့် ခေါင်းရွက်စျေးသည်လေးများသည် ဟင်းထုပ်၊ သရက်သီးစိတ်၊ကန်စွန်းဥ၊ပဲမြစ်၊ဆီးသီးနှင့် မြေပဲပြုများ ရောင်းချလျှက်ရှိပါသည်။
ဟင်းထုပ်ကို ကြက်သားဟင်းထုပ်၊ ငါးဟင်းထုပ်နှင့် သက်သက်လွတ်ဟင်းထုပ် (၃) မျိုး ရောင်းချ လျှက်ရှိပြီး ကြက်သားဟင်းထုပ်နှင့် ငါးဟင်းထုပ်တစ်ထုပ်လျှင် ၅၀၀ ကျပ်၊ သက်သက်လွတ်ဟင်းထုပ် (၃)ထုပ်လျှင် ၁၀၀၀ ကျပ်ဖြင့် ရောင်းချလျှက် ရှိပါသည်။ သရက်သီးစိတ်၊ ကန်စွန်းဥ၊ ပဲမြစ်၊ ဆီးသီးနှင့် မြေပဲပြုများကို ၁ထုပ်လျှင် ၅၀၀ ကျပ်ဖြင့် ရောင်းချလျှက်ရှိပြီး တစ်ရက်လျှင် ဟင်းထုပ် ၂၀၀ ထုပ်ခန့် ရောင်းချရပြီး အခြားသရေစာများလည်း အရောင်းသွက်ကြောင်း ဟင်းထုပ်နှင့် အခြားသရေစာ ရောင်းချ သည့် စျေးသည်တစ်ဦးထံမှ သိရှိရပါသည်။
DOCA(ပဲခူး)