ပဲခူးတိုင်းဒေသကြီး၊ ပဲခူးခရိုင်၊ ဒိုက်ဦးမြို့နယ်၊ ဗျိုင်းချယ်ကျေးရွာ၌ ဒိုက်ဦးမြို့နယ် စီမံအုပ်ချုပ်ရေးအဖွဲ့၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာန၊ မြို့နယ်ဆည်မြောင်းဦးစီးဌာန၊ မြို့နယ်မွေးမြူရေးနှင့်ကုသရေးဦးစီးဌာန၊ မြို့နယ်စက်မှုလယ်ယာဦးစီးဌာန၊ စားသုံးသူရေးရာဦးစီးဌာန ၊ ဒိုက်ဦးမြို့နယ်တာဝန်ခံနှင့် ဖိတ်ကြားထားသောတောင်သူများ တက်ရောက် ၍ (၇.၆.၂၀၂၂) ရက်နေ့ ၊ နေ့လည် (၁:၀၀) နာရီတွင် ဒိုက်ဦးမြို့နယ်၊ စိုက်ပျိုးရေး၊ မွေးမြူရေးနှင့်ကုန်ထုတ်လုပ်မှုဖွံ့ဖြိုးတိုးတက်ရေး နည်းပညာပေးဆွေးနွေးပွဲ ကျင်းပခဲ့ကြောင်း သိရှိရပါသည်။
အဆိုပါ ဆွေးနွေးဟောပြောပွဲတွင် ဒိုက်ဦးမြို့နယ်တာဝန်ခံမှ စားသုံးသူကာကွယ်ရေးနှင့်စပ်လျဉ်း၍ ဈေးကွက်အတွင်း ဝယ်ယူသုံးစွဲသောကုန်စည်များအပေါ် ကုန်အညွှန်းအမှတ်အသားများ ပြည့်စုံစွာပါရှိမှ ရွေးချယ်ဝယ်ယူရန်၊ စားသုံးသူကာကွယ်ရေးဉပဒေအကြောင်းအရာပါ စားသုံးသူ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်တို့၏ တာဝန်များ ၊ စားသုံးသူနစ်နာဆုံးရှုံးမှုများရှိလာပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC) များအား ဖွင့်လှစ်ထားရှိမှုအခြေအနေများနှင့် တိုင်ကြားနိုင်သောနည်းလမ်းများကို အကျယ်တဝင့်ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ပဲခူး)