ဧရာဝတီတိုင်းဒေသကြီး၊ မအူပင်မြို့နယ်တွင်၊ မိုးစပါးစိုက်ဧက ၁၂၇၇၆၆ နှင့် နွေစပါးစိုက်ဧက ၈၁၈၀၁ ဧက ထိရှိ ခဲ့ကြောင်း သိရှိရပါသည်။ ၂၀၂၁-၂၀၂၂ ခုနှစ် မိုးစပါး/ နွေ၊စပါး အထွက်တင်းပေါင်း ၁၅၅၆၄၀၅၂ တင်း ထွက်ရှိကြောင်း သိရှိရပါသည်။
မအူပင်ခရိုင်၊ စားသုံးသူရေးရာဦးစီးဌာနမှ ဒု-ခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများ သည် မအူပင်မြို့နယ်ရှိ ဆန်စက်ကြီးများ ဖွံ့ဖြိုးတိုးတက်ရေးနှင့် SME လုပ်ငန်းများ ဖွံ့ဖြိုး တိုးတက်စေရန် အတွက် ၁၃.၆.၂၀၂၂ နေ့တွင် ဆန်စက်လုပ်ငန်းရှင်များနှင့် ဆန်စက်တစ်စက် ချင်းဆီသို့ သွားရောက်တွေ့ဆုံ မေးမြန်းဆောင်ရွက်ခဲ့ပါသည်။
စိန်သီဟဆန်စက်ရှိ စက်ပိုင်ဦးရဲစိုးမိုးမှ မအူပင်မြို့နယ်ရှိ လက်ရှိဆန်၊စပါးဈေးကွက်မှာ စက် အရောက် ဧည့်မထစပါးတင်း (၁၀၀) လျှင် ၉သိန်းဖြင့် အရောင်းအဝယ်တွင်ကျယ်လျှက်ရှိပြီး တောင်သူများ ဝင်ငွေကောင်းလျှက်ရှိကြောင်းနှင့်၊ ပေါ်ဆန်းစပါး တင်း(၁၀၀) လျှင် (၁၃)သိန်းဖြင့် အရောင်းအဝယ်ဖြစ်နေပြီး မအူပင်ဈေးကွက်သာရောင်းချနိုင်ကြောင်းနှင့် ရန်ကုန်မှ ဧည့်မထ ဆန်များ ဝယ်လိုအားမှ, ပုံမှန်သာ ဖြစ်နေကြောင်း ဆန်စက်ပိုင်ရှင်၏ ပြောကြားချက်အရ သိရှိရပါသည်။
DOCA(ဧရာဝတီ)