ဧရာဝတီတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် (၆၃)ကြိမ်မြောက် တောင်သူလယ်သမားနေ့ အခမ်းအနားကို ဧရာဝတီတိုင်းဒေသကြီး၊ ပုသိမ်ခရိုင်၊ ဝါးဒူးကျေးရွာတွင် (၂.၃.၂၀၂၅ ရက်နေ့မှ ၄.၃.၂၀၂၅ ရက်နေ့အထိ) ကျင်းပဆောင်ရွက်ခဲ့ပါသည်။ အခမ်းအနားတွင် Micro, Small and Medium Enterprises (MSMEs) အလတ်စားနှင့် အသေးစား စက်မှုလုပ်ငန်းများမှ ထွက်ရှိလာသည့် ထုတ်ကုန်များအား ပြပွဲ နှင့် ပြိုင်ပွဲများ ကျင်းပသကဲ့သို့ ဧရာဝတီတိုင်းအတွင်းရှိ မြို့နယ်အလိုက်ထွက်ရှိသည့် ဒေသထွက်ကုန်သီးနှံ သစ်သီး ဝလံပန်းမာန်ပြပွဲ များအား ကျင်းပဆောင်ရွက်ခဲ့ပါသည်။ အဆိုပါ ဧရာဝတီတိုင်းအတွင်းရှိ မြို့နယ်အလိုက် ထွက်ရှိသည့် ဒေသထွက်ကုန်သီးနှံသစ်သီးဝလံပန်းမာန်ပြပွဲတွင် ဒေသထွက် သစ်သီးဝလံများ စုံလင်စွာပြသနိုင်ရန်အတွက် ဧရာဝတီတိုင်းဒေသကြီးစားသုံးသူရေးရာဦးစီးဌာနဦးစီးမှူးရုံးမှ တိုင်းဒေသကြီး ဦးစီးမှူးအပါအဝင် ပုသိမ်ခရိုင်၊ ဟင်္သာတခရိုင်၊ ဖျာပုံခရိုင်၊ မြောင်းမြခရိုင်၊ မအူပင်ခရိုင်နှင့် လပွတ္တာခရိုင်တို့မှ ခရိုင်ဦးစီးမှူးများကလည်း ပြခန်းကြီးကြပ်မှုများ ဆောင်ရွက်ခဲ့ကြောင်း သတင်းရရှိပါသည်။
DOCA(ဧရာဝတီ)