စားသုံးသူရေးရာဦးစီးဌာန၊ ဟင်္သာတမြို့နယ်ဦးစီးမှူးသည် (၁၆.၃.၂၀၂၅)ရက်နေ့ နံနက် (၁၁:၀၀) အချိန်တွင်ဟင်္သာတမြို့၊ လယ်တော်ရပ်၊ အဝေးပြေးကာဝန်းအတွင်းရှိ ဟင်္သာတကုန်စည် ဒိုင်အသင်းရုံး၌ အသင်းဝင်လုပ်ငန်းငန်းရှင်များနှင့်တွေ့ဆုံဆွေးနွေးခြင်းကို ဆောင်ရွက်ခဲ့ပါသည်။
ထိုသို့ဆွေးနွေးရာတွင် မြို့နယ်တာဝန်ခံ ဦးမိုးကျော်က ပြည်တွင်းကုန်သွယ်မှုလုပ်ငန်းကဏ္ဍဖွံ့ ဖြိုးတိုးတက်ရေးအတွက် ကုန်စည်ဒိုင်များ၊ အသင်းအဖွဲ့များဖြင့် ချိတ်ဆက်ဆောင်ရွက်လျက်ရှိရာ ရေရှည်ဖွံ့ဖြိုးတိုးတက်စေရေး ပူးပေါင်းဆောင်ရွက်ပေးစေလိုကြောင်း၊ ကုန်စည်ဒိုင်၏ အင်္ဂါရပ်များဖြစ်သော ဖွဲ့စည်းပုံ၊ စည်းမျဉ်းစည်းကမ်း၊ လုပ်ထုံးလုပ်နည်းများအား လိုက်နာဆောင်ရွက်ပေးစေ လိုကြောင်း၊ ကုန်စည်ဒိုင်တွင် လိုက်နာရမည့် ပစ္စည်းမှန်၊ ဈေးနှုန်းမှန်၊ အရောင်းအဝယ်မှန်၊ ဈေးကွက်မှန် စသော မှန်(၄)မှန်ကို အလေးထားဆောင်ရွက်ပေးစေလိုကြောင်း ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)