တရုတ်ဘက်ထရီဆဲလ် ထုတ်လုပ်သူ Sunwoda Automotive Energy Technology (Thailand) သည် ကြီးထွားလာသောလျှပ်စစ်မော်တော်ယာဉ်လုပ်ငန်းမှ အကျိုးအမြတ်ရယူရန် နှင့် ထိုင်းနိုင်ငံအားတင်ပို့ရာအခြေစိုက်အသစ်အဖြစ် အသုံးပြုရန် ထိုင်းနိုင်ငံတွင်စက်ရုံ သစ် နှစ်ခု တည်ဆောက်မည်ဟု ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့ (BoI) က ပြောကြားခဲ့ပါ သည်။ ကုမ္ပဏီသည် ယခုနှစ်နှောင်းပိုင်းတွင် စတင်ဆောင်ရွက်ရန်မျှော်လင့်ရသည့် စက်ရုံ နှစ်ရုံကို ဘတ် ၅၀ ဘီလီယံ ရင်းနှီးမြှုပ်နှံ၍ Chon Buri တွင် တည်ဆောက်ရန်စီစဉ် ထားကြောင်း သိရပါသည်။ Sunwoda သည် အင်ဂျင်နီယာနှင့် သုတေသနသမား ၉၀၀ ပါဝင် သည့် လုပ်သား ၄၀၀၀ ငှားရမ်းရန်မျှော်မှန်းရကြောင်း BoI ၏ အတွင်းရေးမှူးချုပ် Narit Therdsteerasukdi က ပြောကြားခဲ့ပါသည်။ ထိုစက်ရုံများသည် တရုတ်နိုင်ငံပြင်ပတွင် ကုမ္ပဏီ၏ အကြီးမားဆုံး ဘတ်ထရီဆဲလ်ထုတ်လုပ်သည့်စက်ရုံများဖြစ်လာမည်ဟု သိရပါသည်။ ကုမ္ပဏီက ၎င်းတို့သည် စက်ရုံများတွင်အသုံးပြုရန် ပြည်တွင်း၌ထုတ်လုပ်သည့်ပစ္စည်း များကိုဝယ်ယူရန် တစ်နှစ်လျှင် ဘတ် ၂ ဘီလီယံ သုံးစွဲရန်စီစဉ်ထားကြောင်း သိရပါသည်။ လွန်ခဲ့သည့်နှစ်တွင် တည်ထောင်ခဲ့ သည့် Sunwoda Automotive Energy Technology (Thailand) သည် တရုတ်နိုင်ငံ Shenzhen အခြေစိုက် Sunwoda Electronic ၏ ကုမ္ပဏီခွဲ ဖြစ်ပြီး လျှပ်စစ်မော်တော်ယာဉ်များအတွက် ဘက်ထရီဆဲလ်များနှင့် စွမ်းအင်သိုလှောင်သည့်စနစ်များ ထုတ်လုပ်မည်ဟုသိရပါသည်။ ကုမ္ပဏီ၏ ထုတ်ကုန်များကို ပြည်တွင်း၌ရောင်းချရုံသာမက ပြည်ပသို့ပါတင်ပို့မည်ဟု သိရပါသည်။ ကုမ္ပဏီသည် ၎င်းတို့၏ စက်ရုံများအတွက် Automation နှင့် Virtual factory software ပါဝင်သော နည်းပညာမြင့်များ အသုံးပြုသွားရန် စီစဉ်ထားကြောင်း သိရပါသည်။ BoI ၏အဆိုအရ ကုမ္ပဏီသည် ၎င်းတို့၏ဝန်ထမ်းများအား နည်းပညာများလွှဲပြောင်းပေးရန် ဆန္ဒရှိ ကြောင်းသိရပါသည်။ ၎င်းတို့သည် လေ့ကျင့်ပေးရန်နှင့် စက်ရုံများတွင် အချိန်ပိုင်းလုပ်ကိုင်နိုင်ရန် တက္ကသိုလ်များနှင့် သက်မွေးဝမ်းကြောင်း ကျောင်းများမှ ကျောင်းသား ၆၀၀ ကို ရွေးချယ်သွားမည်ဟုသိရပါသည်။ လွန်ခဲ့သည့်ငါးနှစ် တွင် BoI သည် ဘက်ထရီ ရင်းနှီးမြှုပ်နှံမှုစီမံကိန်း ၄၈ ခုကို ခွင့်ပြုပေးခဲ့ကြောင်း သိရပါသည်။
DOCA(ရန်ကုန်)