၂၀၂၄ ခုနှစ်တွင် သစ်သီးတင်ပို့မှုမှတစ်ဆင့် အမေရိကန်ဒေါ်လာ ၆.၅၁ ဘီလီယံ ရရှိခဲ့သည့် ထိုင်းနိုင်ငံ

          ၂၀၂၄ ခုနှစ်တွင် သစ်သီးသည် ထိုင်းနိုင်ငံ၏ တန်ဖိုးအရှိဆုံး စိုက်ပျိုးမွေးမြူရေး ထုတ်ကုန်တင်ပို့မှုဖြစ်ခဲ့ပြီး ဒူးရင်းတင်ပို့မှုတန်ဖိုးမှာ ဘတ် ၁၃၄ ဘီလီယံကိုကျော်ဖြတ်ခဲ့ ကြောင်း ထိုင်းနိုင်ငံ ကုန်သွယ်ရေးမူဝါဒနှင့် မဟာဗျူဟာရုံး (TPSO)၏ အဆိုအရသိရပါသည်။ TPSO ၏ ညွှန်ကြားရေးမှူးချုပ်ဖြစ်သူ Poonpong Naiyanapakorn က ထိုအောင်မြင်မှု သည် ကမ္ဘာ့ဈေးကွက်များတွင် ဝယ်လိုအားမြင့်တက်လာမှုနှင့် ထိုင်းသစ်သီး၏ အရည်အသွေး နှင့် အရသာမြင့်မားမှုကြောင့် လူကြိုက်များမှုမြင့်တက်လာသောကြောင့်ဖြစ်ကြောင်း ပြောကြားခဲ့ ပါသည်။ ၂၀၂၄ ခုနှစ်တွင် ထိုင်းနိုင်ငံသည် သစ်သီးတင်ပို့မှုမှတစ်ဆင့် ဝင်ငွေ အမေရိကန်ဒေါ်လာ ၆.၅၁ ဘီလီယံ ရရှိခဲ့ပြီး စုစုပေါင်း စိုက်ပျိုးမွေးမြူ‌ရေးထုတ်ကုန်တင်ပို့မှု ၏ ၂၂.၆ ရာခိုင်နှုန်း ရှိကြောင်း သိရပါသည်။ လတ်ဆတ်သောသစ်သီးတင်ပို့မှုမှဝင်ငွေ အမေ ရိကန်ဒေါ်လာ ၅.၁၅ ဘီလီယံရရှိခဲ့ကြောင်း သိရပါသည်။ အဓိကပို့ကုန်များတွင် ဒူးရင်း၊ တောကြက်မောက်သီး၊ မင်းဂွတ်သီး၊ အုန်းသီးနှင့် သရက်သီးတို့ပါဝင်ကြောင်း သိရပါသည်။ နိုင်ငံသည် ဒူးရင်းသီးတန်ချိန် ၈၅၉၁၈၃ တန်တင်ပို့ရာမှ ဝင်ငွေ အမေရိကန်ဒေါ်လာ ၃.၇၆ ဘီလီယံ ရရှိခဲ့ကြောင်း သိရပါသည်။ တရုတ်မှာ ပို့ကုန်ဈေးကွက်ကိုလွှမ်းမိုးထားပြီး စုစုပေါင်း တင်ပို့မှု၏ ၉၇.၄ ရာခိုင်နှုန်းရှိကာ ၎င်းတို့နောက်တွင် ဟောင်ကောင်၊ တောင်ကိုရီးယား၊ မလေးရှားနှင့် အမေရိကန်တို့ ရပ်တည် နေကြောင်း သိရပါသည်။ ထိုင်းနိုင်ငံသည် တောကြက်မောက်သီးတန်ချိန် ၅၂၇၉၂၇ တန် တင်ပို့ရာမှ ဝင်ငွေ အမေရိကန်ဒေါ်လာ ၅၇၁ သန်း၊ မင်းဂွတ်သီးတန်ချိန် ၂၈၄၈၆၀ တန် တင်ပို့ရာ မှ ဝင်ငွေ အမေရိကန်ဒေါ်လာ ၄၉၁ သန်း၊ အုန်းသီးတန်ချိန် ၂၅၇၄၂၈ တန်တင်ပို့ရာမှ ဝင်ငွေ အမေရိကန်ဒေါ်လာ ၂၁၇ သန်းနှင့် သရက်သီးတန်ချိန် ၁၀၆၇၅၃ တန်တင်ပို့ရာမှ ဝင်ငွေ အမေရိကန်ဒေါ်လာ ၁၃၃ သန်း ရရှိ ခဲ့ကြောင်း သိရပါသည်။ Mr Poonpong ကထိုင်းနိုင်ငံ၏ လတ်ဆတ်သောသစ်သီးတင်ပို့မှုများသည် တရုတ်ဈေးကွက်ကို အလွန်အမင်းမီခိုနေရပြီး အထူးသဖြင့် ဒူးရင်းသီးတွင် ယှဉ်ပြိုင်မှု များ မြင့်တက်လာကြောင်း သိရပါသည်။ ၂၀၂၃ ခုနှစ်မှ စ၍ တရုတ်သည် ထိုင်းဒူးရင်းသီးသာမက ဗီယက်နမ်၊ ဖိလစ်ပိုင်နှင့် မလေးရှားထံမှပါ တင်းကျပ်သောစည်းမျဉ်းများဖြင့် စတင် တင်သွင်းခွင့်ပြုခဲ့ကြောင်း သိရပါသည်။ ယှဉ်ပြိုင်နိုင်စွမ်း ဆက်လက်ထိန်းသိမ်းရန် ထိုင်းနိုင်ငံသည် လိုက်လျောညီထွေပြောင်းလဲရန်နှင့် အမေရိကန်၊ ဂျာမနီ၊ နယ်သာလန်နှင့် ယူကေပါဝင်သော ပို့ကုန်ဈေးကွက်သစ်များရှာဖွေသင့်ကြောင်း Mr Poonpong ကပြောကြား ခဲ့ပါသည်။

DOCA(ရန်ကုန်)