ဘားအံမြို့၊ မတ်လ ၁၈
ပွင့်လင်းရာသီ နွေရာသီကာလဖြစ်၍ အပူချိန်မြင့်တက်နေသောကြောင့် ကရင်ပြည်နယ် ဘားအံမြို့ပေါ်တွင် ဖရဲသီးများ ဈေးကောင်းရလျက်ရှိကြောင်းသိရသည်။ဖရဲသီးကို ဘားအံမြို့ အနီးတဝိုက် ကျေးရွာများတွင် တနိုင်တပိုင် စိုက်ပျိုးကြသည့် အပြင် စီးပွားဖြစ်လည်း စိုက်ပျိုးကြပါသည်။ ဘားအံမြို့ဈေးကွက်အတွင်း ဖရဲသီးများ ရောင်းချဝယ်ယူ ရာတွင် အရွယ်အစားလိုက်ပြီး ဈေးနှုန်းကွာဟမှုရှိသည်။ ဖရဲသီးဈေးနှုန်းများမှာ ဖရဲသီး အလုံးကြီး (၁)လုံးလျှင် (၅,၀၀၀/၈,၀၀၀)ကျပ်၊ ဖရဲသီး အလုံးလတ် (၁)လုံးလျှင် (၃,၀၀၀/၄,၀၀၀)ကျပ်၊ အလုံးသေး (၁)လုံးလျှင် (၂,၅၀၀/၃,၀၀၀)ကျပ်တို့ဖြစ်ကြောင်းနှင့် ယခုနှစ်တွင် ဒေသထွက် ဖရဲသီးနှင့် ပြည်တွင်းထွက် ဖရဲသီးများ ဘားအံမြို့ဈေးကွက်အတွင်း အရောင်းသွက်၍ ဈေးကောင်းရကာ တွက်ချေကိုက်လျက်ရှိကြောင်းသိရသည်။
DOCA(ကရင်)