ယခုတစ်ပတ်အတွင်း ကသာမြို့တွင် ရောင်းချလျက်ရှိသော ကြက်သွန်ဖြူဈေးနှုန်းမှာ ယခင်အပတ်နှင့်နှိုင်းယှဉ်ပါက ဈေးနှုန်းတည်ငြိမ်လျက်ရှိပြီး ကြက်သွန်ဖြူဝင်ရောက်မှုအနေဖြင့် မန္တလေး-မုံရွာဘက်မှ တစ်ပတ်လျှင် ပိဿာ(၂၀)ပါ အိတ်(၂၀၀)ခန့် ဝင်ရောက်လျက်ရှိပါသည်။ ဈေးနှုန်းအနေဖြင့် လက်ကားတစ်ပိဿာလျှင် အကြီး(၃၅၀၀)ကျပ်၊ အလတ်(၃၀၀၀)ကျပ်နှင့် အသေး (၂၅၀၀)ကျပ်ဖြင့် ရောင်းချလျက်ရှိပြီး လက်လီတစ်ပိဿာဈေးနှုန်းအနေဖြင့် အကြီး(၄၀၀၀)ကျပ်၊ အလတ်(၃၅၀၀)ကျပ်နှင့် အသေး (၃၀၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။
ကြက်သွန်နီဈေးနှုန်းအနေဖြင့် ယခင်အပတ်နှင့်နှိုင်းယှဉ်ပါက ဈေးနှုန်းမြင့်တက်လာကာ ယခုတစ်ပတ်အတွင်း လက်ကားတစ်ပိဿာလျှင် အကြီး၊ အလတ်၊ အသေးပေါ်မူတည်၍ (၂၀၀၀၊ ၁၇၀၀၊ ၁၅၀၀)ကျပ်ခန့်ရှိပြီး လက်လီတစ်ပိဿာလျှင် အကြီး (၂၃၀၀) ကျပ်၊ အလတ်( ၂၀၀၀)နှင့်၊ အသေး (၁၇၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း သိရှိရသည်။ ကြက်သွန်နီဝင်ရောက်မှုမှာ ယခုတစ်ပတ်အတွင်း မန္တလေး-မုံရွာဘက်မှ ၃၅ပိဿာပါ အိတ် (၁၅၀) ခန့်နှင့် ခင်ဦး-ရေဦးဘက်မှာ ၃၅ ပိဿာပါအိတ်(၁၀၀)ခန့်ဝင်ရောက်ကြောင်း ကြက်သွန်နီရောင်းချသူ ကုန်သည်များထံမှ သိရှိရပါသည်။
DOCA(စစ်ကိုင်း)