ကျောက်ဆည်ခရိုင်အတွင်းရှိ တောင်သူဦးကြီးများသည် ရာသီအလိုက်သီးနှံမျိုးစုံစိုက်ပျိုးကြပါ သည်။ စပါး၊ပဲ၊ပြောင်း၊ကြက်သွန်သီးနှံအပြင် ဆီထွက်သီးနှံများဖြစ်သော မြေပဲ၊နှမ်း၊နေကြာများကို လည်းစိုက်ပျိုးကြပါသည်။၄င်းသီးနှံများအပြင် စီးပွားဖြစ်ဝင်ငွေတိုးသော ကန်စွန်းရွက်သီးနှံကိုလည်း စိုက်ပျိုးလာကြပါသည်။ကန်စွန်းရွက်စိုက်ပျိုးရာတွင် ပြုပြင်ထားသောမြေပေါ်တွင် ဘောင်များပြုလုပ် ၍တိုက်ရိုက်အစေ့ချစနစ်ဖြင့်စိုက်ပျိုးကြောင်း၊စိုက်ပျိုးရန်အတွက် မျိုးစေ့(၈-၁၀)ထုပ်အထိစိုက်ပျိုးရ ကြောင်း၊မျိုးထုပ်စျေးနှုန်းအနေဖြင့် (၁)ထုပ်လျှင်(၂၅၀၀၀/-)ကျပ် ပေးဝယ်ရကြောင်း ၊ မျိုးစေ့ချ စိုက်ပျိုးမှု အစေ့ချမှုအပေါ်မူတည်၍ အထုပ်အနည်းအများကွာကြောင်း၊အစေ့ချနည်းလျှင်(၅-၆)ထုပ် ကုန်ကျကြောင်း၊(၁)ဧကစိုက်ပျိုးမှု ကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခ အပါအဝင် စုစုပေါင်း(၆၀၀၀၀၀/-)ကျပ်ခန့် ကုန်ကျကြောင်း ၊ စိုက်ပျိုးပြီး(၃-၄)ပတ်သားအရောက်တွင် စတင် ရိတ်သိမ်းပြီးရောင်းချ၍ရကြောင်း၊ကန်စွန်းပင်လက်နှစ်လုံးချန်ရိတ်ပြီး အစည်းလေးများ စည်းပေးရ ကြောင်း၊(၁)ဧကလျှင် (၁၀)စည်းပါ တစ်ထုံးလျှင် အစည်းပေါင်း(၃၀၀၀)ခန့်ရကြောင်း ၊ ကန်စွန်းရွက် (၁၀)စည်းပါ တစ်ထုံးလျှင်(၅၀၀/-)ကျပ်ဖြင့် ဖောက်သည်စျေးရောင်းချပေးပြီး လက်လီစျေးအနေဖြင့် (၁၀)စည်းပါတစ်ထုံးလျှင်(၈၀၀)ကျပ်ဖြင့်ရောင်းချပေးကြောင်း၊ကန်စွန်းပင်များမှာလည်းအတက်များ ထွက်လာပြီး အတက်မွေးကာပြန်လည်ရောင်းချရသဖြင့် အကျိုးအမြတ်ဖြစ်ထွန်းလျှက်ရှိကြောင်း ၊ ကန်စွန်းပင်သည် ရေသွင်း၊ရေထုတ်မှန်မှန်ပြုလုပ်ပါက ပြန်လည်ရှင်သန်စေကြောင်း ၊ ရောင်းဝယ်မှု အနေဖြင့် ကန်စွန်းခင်းထဲအရောက် ကုန်စိမ်းပွဲစားများ လာရောက်ဝယ်ယူကြောင်း၊ပွဲစားများမှတဆင့် အမြို့မြို့အနယ်နယ်ရှိ စျေးများသို့ပြန်လည်ရောင်းချပေးကြောင်း ၊ ကန်စွန်းရွက်သည် စျေးကွက် ဝယ်လိုအားရှိသောအသီးအရွက်တစ်မျိုးဖြစ်ပြီးစားသုံးသူများမှကန်စွန်းပလိန်းကြော်၊ကန်စွန်းရွက်သုပ်၊ မှိုကန်စွန်းစသည်ဖြင့် အမျိုးမျိုး ချက်ပြုတ်စားသောက်ကြပါသည် ။ ကန်စွန်းရွက်စားသုံးခြင်းဖြင့် ကိုယ်လက်စထရောကိုကျစေနိုင်ခြင်း၊ အမျှင်ဓာတ်ပါဝင်ပြီး အစာခြေစနစ်ကိုကောင်းမွန်စေကြောင်း ၊
သံဓာတ်လုံလောက်စွာပါဝင်သောကြောင့် သွေးအားနည်းရောဂါရှိသူများ စားသုံးသင့်ပါကြောင်း ၊ ကန်စွန်းရွက်စိုက်ပျိုးခြင်းဖြင့် စီးပွားလည်းဖြစ်ဝင်ငွေတိုးကြောင်း ၊ ကန်စွန်းစိုက်ပျိုးသောတောင်သူ တစ်ဦး၏ပြောကြားချက်အရသိရှိရပါသည်။
DOCA(မန္တလေး)