စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် (၁၁.၃.၂၀၂၅)ရက်နေ့၊ နေ့လယ်(၁၃:၀၀)နာရီအချိန်တွင် ပခုက္ကူခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး၌ ရေစကြိုမြို့နယ်တာဝန်ခံနှင့် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ ရေစကြိုမြို့နယ် တာဝန်ခံ တို့ ပူးပေါင်း၍ စားသုံးသူအခွင့်အရေးများနေ့ကို ဂုဏ်ပြုသောအားဖြင့် အသိပညာပေး Talk Show ပွဲကျင်းပပြုလုပ်ခဲ့ကြောင်း သိရသည်။
Talk Show တွင် ရေစကြိုမြို့နယ်တာဝန်ခံက စားသုံးသူတိုင်ကြားမှုတွေကို ဖြေရှင်းဆောင်ရွက် နေတာတွေအပြင် စားသုံးသူနစ်နာဆုံးရှုံးမှုတွေမဖြစ်အောင် အသိပညာပေးဆောင်ရွက်ခြင်းများ၊ စားသုံးသူရေးရာဦးစီးဌာနအနေဖြင့် စားသုံးသူတွေအသုံးပြုလျက် ရှိသည့်ကုန်စည်နှင့်ဝန်ဆောင်မှုများ ဘေးအန္တရာယ်ကင်းရှင်းစွာ အသုံးပြုနိုင်စေရေးအတွက်ဈေးကွက် စောင့်ကြည့်စစ်ဆေးခြင်း ဆောင်ရွက်နေမှုများနှင့် စားသုံးသူကာကွယ်ရေးဥပဒေအရ ကုန်စည်တွင်ထည့်သွင်းရမည့် ကုန်အညွှန်းအမှတ်အသားများ မြန်မာလိုဖော်ပြရမည့်အချက်များကို ပြဌာန်းချက်တွေနဲ့အညီ စီးပွားရေးလုပ်ငန်းရှင်များ လိုက်နာဆောင်ရွက်မှုရှိ/မရှိ ဈေးကွက်စောင့်ကြည့်စစ်ဆေးခြင်းအကြောင်းများကို ကျယ်ကျယ်ပြန့်ပြန့် ရှင်းလင်းဆွေးနွေးခဲ့ကြောင်း သိရှိရပါသည်။
DOCA(မကွေး)