“ ဒလမြို့နယ်၌ပြည်တွင်းထုတ်အသင့်သောက်ကော်ဖီထုပ်များ ပစ္စည်းပြတ်လပ်မှုရှိ/မရှိနှင့် ဈေးနှုန်းဈေးကွက်အခြေအနေကွင်းဆင်းစစ်ဆေး ”

            ရန်ကုန်တိုင်းဒေသကြီး၊ တွံတေးခရိုင်၊ ဒလမြို့နယ်အတွင်း၌ ပြည်တွင်းထုတ် အသင့်သောက် ကော်ဖီထုပ်များပစ္စည်းပြတ်လပ်မှုရှိ/မရှိနှင့် ဈေးနှုန်းဈေးကွက် အခြေအနေ တို့အား စိစစ်ကြပ်မတ် ကွင်းဆင်းဆောင်ရွက်နိုင်ရန်အတွက် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့်အရ မတ်လ(၁၈)ရက်နေ့၊ နံနက်(၀၉:၃၀)နာရီအချိန်တွင် ဒလမြို့နယ် ကမာကဆစ် စည်ပင်သာယာဈေး အတွင်း/အပြင်တွင် ပြည်တွင်းထုတ်အသင့်သောက် ကော်ဖီထုပ်များနှင့် ကုန်ခြောက်ဆိုင်များတွဲလျက် ဖြန့်ဖြူးရောင်းချလျက်ရှိသော ကုန်စုံဆိုင်များအား ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရသည်။

              ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင်  ဒလမြို့နယ်စည်ပင်သာယာရေးအဖွဲ့မှ ကမာကဆစ်ဈေးတာဝန်ခံနှင့် စားသုံးသူရေးရာဦးစီးဌာန မြို့နယ်တာဝန်ခံတို့သည် ကမာကဆစ်ဈေး အတွင်း/အပြင်ရှိ ပြည်တွင်းထုတ် အသင့်သောက်ကော်ဖီထုပ်များနှင့် ကုန်ခြောက်ပစ္စည်းများ တွဲလျက် ရောင်းချလျက်ရှိသောဆိုင်ပိုင်ရှင်များအား စီးပွားရေးလုပ်ငန်းရှင်များအနေဖြင့် ပြည်တွင်းမှထွက်ရှိသည့် လယ်ယာထွက်ကုန်သီးနှံများ အပါအဝင် အခြေခံစားသောက်ကုန်များ ဈေးကွက်အတွင်း မရှိမဖြစ် လိုအပ်လျက်ရှိသော ကုန်ပစ္စည်းများကို စားသုံးသူပြည်သူများ ဘေးအန္တရာယ်ကင်းရှင်းစွာ ဝယ်ယူ သုံးစွဲနိုင်ရေး၊ ဈေးကွက်အတွင်း ဖြစ်သင့်ဖြစ်ထိုက်သည့် ဈေးနှုန်းများနှင့် လွယ်ကူစွာဝယ်ယူရရှိနိုင်ရေး၊ ပစ္စည်းပြတ်လပ်မှုမရှိစေရေးတို့အတွက် စားသုံးသူရေးရာ ဦးစီးဌာနမှ ဝန်ထမ်းများအနေဖြင့် မိမိတို့နှင့် သက်ဆိုင်ရာမြို့နယ်များရှိ ဈေးကွက်အတွင်း မြေပြင်ကွင်းဆင်းစစ်ဆေးခြင်းလုပ်ငန်းအား သက်ဆိုင်ရာ ဌာနများဖြင့် ပူးပေါင်း၍ စဉ်ဆက်မပြတ် ဆောင်ရွက်လျက်ရှိကြောင်း ထုတ်ကုန်များလုံခြုံစိတ်ချရမှု ရှိစေရေးနှင့် စားသုံးကာကွယ်ရေးအသိပညာပေး ပြောကြားခဲ့ပြီး ပြည်တွင်းထုတ် အသင့်သောက် ကော်ဖီထုပ်များ၏ ဈေးနှုန်းဈေးကွက် အခြေအနေနှင့် ပစ္စည်းပြတ်လပ်မှုရှိ/မရှိတို့အား ဈေးကွက်စောင့်ကြည့် ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ရန်ကုန်)