စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ဂျပန်နိုင်ငံတွင် ကမ္ဘောဒီးယား သီဟိုဠ်စေ့များအတွက် ဈေးကွက်လမ်းကြောင်းများရှာဖွေ

            ဆန်၊ ပြောင်းနှင့် ပီလောပီနံအပါအဝင် ကမ္ဘောဒီးယားနိုင်ငံ၏ လယ်ယာထွက်ကုန် ကုန်ကြမ်းတန်ချိန် ၃၈၀,၀၀၀ ခန့်ဝယ်ယူရန်အတွက် ကမ္ဘောဒီးယားနိုင်ငံ၊ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန(MoC)နှင့် တိရစ္ဆာန်အစာဆိုင်ရာ ကုမ္ပဏီ (၆) ခုတို့ ၁၉-၃-၂၀၂၅ ရက်နေ့က နားလည်မှုစာချွန်လွှာ(MoUs) လက်မှတ်ရေးထိုးခဲ့ကြသည်။ လယ်ယာ ကုန်ကြမ်း ပစ္စည်းဝယ်ယူရေးမြင့်တင်မှုဆိုင်ရာ နားလည်မှုစာချွန်လွှာ လက်မှတ်ရေးထိုးပွဲအခမ်းအနားကို ဖနွမ်းပင်မြို့တွင် ကျင်းပပြုလုပ်ခဲ့ပြီး စီးပွား/ကူးသန်းဝန်ကြီး Cham Nimul က ဥက္ကဋ္ဌအဖြစ် ဦးဆောင်ကျင်းပခဲ့သည်။ အဆိုပါနားလည်မှုစာချွန်လွှာအရ ပြောင်းတန်ချိန် ၁၈၉,၀၀၀ တန်၊ ပီလောပီနံ ၈၁,၆၀၀ တန်၊ ဆန်ကွဲ ၅၁,၁၃၀ တန်၊ စပါခွံ  ၅၇,၇၃၀ တန်တို့ဝယ်ယူနိုင်ရန် ဝန်ကြီး ဌာနနှင့် ညှိနှိုင်းဆောင်ရွက်မည်ဖြစ်သည်။ ထိုပဏာမခြေလှမ်းသည် နိုင်ငံအတွင်း အစားအစာ ဈေးနှုန်းများ မြင့်တက်လာမှုကြောင့် စိန်ခေါ်မှုများအကြားတွင် ဒေသတွင်းလယ်ယာ စိုက်ပျိုးရေး လုပ်ငန်းများတွင် ရင်းနှီးမြှုပ်နှံမှုများမြှင့်တင်ရန်၊ ထုတ်ကုန်တန်ဖိုးမြှင့်တင်ရန်နှင့် တန်ဖိုး ကွင်းဆက်များအားကောင်းစေရန် ကြိုးပမ်းမှုများကို ထင်ဟပ်စေသည်။ ထို့အပြင် စိုက်ပျိုးရေး ကဏ္ဍဖွံ့ဖြိုးတိုးတက်ရေးအတွက် စီးပွားရေးအခွင့်အလမ်းများတိုးမြင့်လာကာ အခြေခံ လူတန်းစား ပြည်သူများအတွက်  ပါဝင်နိုင်သော လူမှုစီးပွားရေးပတ်ဝန်းကျင်ကို မြှင့်တင် ပေးကြောင်း ထုတ်ပြန်ချက်တွင် ဖော်ပြထားသည်။ ကမ္ဘောဒီးယားနိုင်ငံ၏ စိုက်ပျိုးရေးကဏ္ဍသည် ခေတ်မီစိုက်ပျိုးရေးနည်းပညာများကို အကန့်အသတ်ဖြင့်ဝင်ရောက်ခြင်း၊ ရာသီဥတု ပြောင်းလဲမှုများနှင့် ဈေးကွက်အတွင်း ဈေးနှုန်းအတက်/အကျများအပါအဝင် စိန်ခေါ်မှုများစွာကို ရင်ဆိုင်နေရကြောင်းသိရှိရပါသည်။

Source : Khmer Times

DOCA(ရန်ကုန်)