ကမ္ဘောဒီးယားကုန်သည်ကြီးများအသင်း(CCC) မှ ဗီယက်နမ်-ကမ္ဘောဒီးယား ချစ်ကြည်ရေး အသင်း (VCFA) နှင့် ဗီယက်နမ် ရင်းနှီးမြှုပ်နှံသူများကို ဆန်၊ ပီလောပီနံ၊ ရာဘာ၊ သီဟိုဠ်စေ့နှင့် အသားများအပါအဝင် ကမ္ဘောဒီးယားလယ်ယာထွက်ကုန်များ ပိုမိုဝယ်ယူအားပေးရန် တောင်းဆိုထားသည်။ ဗီယက်နမ်နိုင်ငံ၊ ဟိုချီမင်းမြို့တွင် ၂၀၂၅ ခုနှစ်၊ မတ်လ ၁၇ ရက်နေ့မှ ၂၀ ရက်နေ့ အထိ ကျင်းပပြုလုပ်ခဲ့သော ‘2025 Trade Visit’ ပွဲတွင် ကမ္ဘောဒီးယားကုန်သည်ကြီးများ အသင်း (CCC) ဒုတိယ ဥက္ကဋ္ဌ Chim Sok နှင့် Prey Veng ပြည်နယ် ကုန်သည်ကြီးများအသင်းဥက္ကဋ္ဌ တို့ က ကမ္ဘောဒီးယားနိုင်ငံတွင် ကျယ်ကျယ်ပြန့်ပြန့်မရှိသေးသော ဈေးကွက်များနှင့် ကုန်စည် များစွာရှိနေကြောင်း ဗီယက်နမ်နိုင်ငံတွင်ရှိသော ရင်းနှီးမြှုပ်နှံသူများအားလုံးကို သိစေလိုကြောင်းနှင့် ဗီယက်နမ်ဈေးကွက်သို့ တင်သွင်းသည့်အတွက် ဗီယက်နမ် ရင်းနှီးမြှုပ်နှံသူများ အနေဖြင့် ကမ္ဘောဒီးယားနိုင်ငံမှ ဆန်များကိုဝယ်ယူစေလိုကြောင်း ပြောကြားခဲ့သည်။ ‘2025 Trade Visit’ ပွဲ၏ရည်ရွယ်ချက်မှာ ကမ္ဘောဒီးယားနှင့် ဗီယက်နမ်စီးပွားရေး လုပ်ငန်းများအကြား ပူးပေါင်းဆောင်ရွက်မှုမြှင့်တင်ရန်၊ စီးပွားရေးမိတ်ဖက်များထူထောင်ရန်နှင့် ကုန်သွယ်မှု၊ ထုတ်လုပ်မှုနှင့် ပြုပြင်ခြင်းဆိုင်ရာ အတွေ့အကြုံများဖလှယ်ရန်အတွက် ထုတ်လုပ်မှုနေရာများ သို့ သွားရောက်လေ့လာရန်နှင့် ကမ္ဘောဒီးယားနှင့်ဗီယက်နမ်နိုင်ငံတို့မှ ထုတ်ကုန်များကို ပြသရန် အတွက် အခွင့်အရေးများကိုရှာဖွေရန်ဖြစ်သည်။ တွေ့ဆုံပွဲတွင် (VCFA) ဥက္ကဋ္ဌ Nguyen Van Nam က မကြာသေးမီကာလအတွင်း ကမ္ဘောဒီးယားနိုင်ငံနှင့် ကုန်သွယ်ဖက်များ ထူထောင် နိုင်ရန် ကမ္ဘောဒီးယားနိုင်ငံသို့ ကုန်သွယ်ရေးဆိုင်ရာခရီးစဉ်များအတွက် အစီအစဉ်များစွာရှိကြောင်း ပြောကြားခဲ့ကြောင်းသိရှိရပါသည်။
Source : Khmer Times
DOCA(ရန်ကုန်)