မကွေးတိုင်းဒေသကြီး၊ အထက်မင်းလှမြို့နယ်အတွင်းရှိ ပန်းတော်ပြင်၊ ဥယျာဉ်၊ မယ်ဇလီ တော၊ ရွာတော်၊ ညောင်ပင်သာ စသည့်ကျေးရွာများတွင် ခရမ်းသီး(အလုံးကြီးမျိုး)ကို အိမ်ခြံဝန်းများ၌ တစ်နိုင်တစ်ပိုင်စိုက်ပျိုးလျက်ရှိသည့်အပြင် ကိုင်းမြေများတွင်လည်း စိုက်ပျိုးလျက်ရှိပြီး ၂၀၂၅ခုနှစ်၊ မတ်လ(ပထမပတ်)မှစ၍ ဇေယျာသီရိဈေးအတွင်းသို့ လှိုင်လှိုင်ဝင်ရောက်လျက်ရှိ ကြောင်း သိရသည်။
ဈေးနှုန်းအနေဖြင့် မတ်လ(ဒုတိယပတ်)တွင် ခရမ်းသီး(အလုံးကြီး)(၁)ပိဿာလျှင် ကျပ် (၁၅၀၀-၂၀၀၀)ဖြင့် ရောင်းချလျက်ရှိပြီး ယခင်(ပထမပတ်)တွင် (၁)ပိဿာလျှင် ကျပ်(၂၅၀၀-၃၀၀၀) ဖြင့် ရောင်းချလျက်ရှိရာ ဈေးနှုန်းနှိုင်းယှဉ်ပါက ယခုတစ်ပတ်တွင် ကျပ်(၁၀၀၀) ဈေးနှုန်းကျဆင်း၍ အရောင်းအဝယ်ဖြစ်လျက်ရှိကြောင်း သိရသည်။ ဒေသတွင်း ခရမ်းသီးစိုက်ခင်းများ၌ အထွက်နှုန်း များသောကာလဖြစ်သည့်အပြင် သရက်နှင့် မကွေး၊ မင်းဘူးမြို့ တို့ရှိ ကုန်စိမ်းသီးနှံဒိုင်များမှလည်း ဝင်ရောက်မှုများသောကြောင့်ဈေးနှုန်းကျဆင်းရခြင်းဖြစ်ကြောင်း သိရသည်။
DOCA(မကွေး)