စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် မြန်မာနိုင်ငံ ဆန်စပါးအသင်းချုပ်နှင့် ပူးပေါင်း၍ ပြည်တွင်း၌ ဆန်စပါးဖူလုံရေး ပြည်ပသို့ စနစ်တကျတင်ပို့ရောင်းချနိုင်ရေး၊ ဆန်စပါးစျေးကွက်၌ စျေးနှုန်းမှန်ကန်တည်ငြိမ်စေရေး၊ သမရိုးကျရောင်းဝယ်ခြင်းမဟုတ်သော စျေးကစားလိုသည့် ရည်ရွယ်ချက်ဖြင့် သိုလှောင်ခြင်း၊ စျေးနှုန်းမြှင့်တင်ရောင်းချခြင်းများ မဖြစ်ပေါ်စေရေး တို့အတွက် လစဉ် သင့်တင့်မျှတသော ဆန်စျေးနှုန်းများ ထုတ်ပြန်ပေးလျက်ရှိပါသည်။
မကွေးမြို့ပေါ်ရှိ ဆန်ပွဲရုံ၊ ဆန် လက်လီ၊ လက်ကားအရောင်းဆိုင်များအား လစဉ်ထုတ်ပြန်ပေးလျက်ရှိသော သင့်တင့်မျှတသော ဆန်စျေးနှုန်းများအတိုင်း ရောင်းချမှုရှိ/မရှိ၊ အမျိုးအစားမတူ၊ စျေးနှုန်းမတူသောဆန်များ ရောနှောရောင်းချမှုမရှိစေရေးတို့အား (၁၇.၃.၂၀၂၅)ရက်နေ့၊ နေ့လယ် (၁၄:၀၀) နာရီအချိန်တွင် စားသုံးသူရေးရာဦးစီးဌာန၊ မကွေးခရိုင်ဦးစီးမှူးနှင့် ဝန်ထမ်းများ၊ အထွေထွေအုပ်ချုပ်ရေးဦးစီးဌာနနှင့် စည်ပင်သာယာရေးအဖွဲ့တို့ ပူးပေါင်းပြီး ကွင်းဆင်းစစ်ဆေးခဲ့ကြောင်း သိရပါသည်။
DOCA(မကွေး)