စားသုံးသူရေးရာဦးစီးဌာန၊ မကွေးတိုင်းဒေသကြီးဦးစီးမှူးရုံးမှ ဒေါ်အေးမဉ္ဇူခိုင်နှင့်ဝန်ထမ်းများ၊ မကွေးခရိုင်ဦးစီးမှူးရုံးမှ ဝန်ထမ်းများသည် (၁၈.၃.၂၀၂၅)ရက်နေ့၊ နံနက်(၀၉:၃၀) နာရီအချိန်တွင် အထူးစုံစမ်း စစ်ဆေးရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့နှင့် ပူးပေါင်းပြီး မကွေးမြို့ ပေါ်ရှိ စားအုန်းဆီ လက်လီဖြန့်ဖြူးရောင်းချသည့် လုပ်ငန်းရှင် (၄)ဦးထံ ကွင်းဆင်း စစ်ဆေးခဲ့ကြောင်း သိရသည်။
ထိုသို့ ကွင်းဆင်းစစ်ဆေးရာတွင် ဝါဝါကုန်စုံဆိုင်သည် (Good Golden Trading )မှ ရရှိသော စားအုန်းဆီများကို မြို့ဟောင်းရပ်ကွက်ရှိ ပြည်သူများအား လည်းကောင်း၊ Aung Oo Thar ကုမ္ပဏီမှ ရရှိသော စားအုန်းဆီများကို ဇော်ဆီဆိုင်မှ သိင်္ဂါရပ်၊ စျေးလယ်စိုးရပ်၊ မြို့မအိုးဖိုရပ်နှင့် ယင်းမာတော ကျေးရွာများသို့ လည်းကောင်း၊ စေတနာဝင်း ဆီဆိုင်သည် ဆားရွှေကင်းရပ်၊ ဆုံရပ်၊ အိုင်ကြီးကုန်းနှင့် အလယ်ကျွန်းချိုင်းကျေးရွာများသို့ လည်းကောင်း၊ ဖြိုးဆီဆိုင်မှ မယ်လှတောင်၊ မြင်းကင်း၊ ချောင်းဖြူ၊ ဖလံရုံနှင့် သင်္ဘောဆိပ်ကျေးရွာများသို့ လည်းကောင်းသတ်မှတ်ရည်ညွှန်းစျေးနှုန်းများအတိုင်း စားအုန်းဆီ (၁)ပိဿာလျှင် (၇၈၀၀)ကျပ်နှုန်းဖြင့် အိမ်ထောင်စု တစ်စု(၇)ရက်တစ်ပတ်လျှင် (၁)ပိဿာ နှုန်းအား စာအုပ် စနစ်ဖြင့် စနစ်တကျ ရောင်းချလျက်ရှိကြောင်း စိစစ်တွေ့ရှိရကြောင်း သိရှိရပါသည်။
DOCA(မကွေး)