ဗီယက်နမ်၏ ဆန်တင်ပို့သည့်ဈေးနှုန်းများ နာလံထူလာသည့် လက္ခဏာပြသ

          ဗီယက်နမ်၏ ဆန်တင်ပို့သည့်ဈေးနှုန်းများသည် ကာလကြာရှည်ကျဆင်းပြီးနောက် ပြန်လည်နာလံထူလာသည့်လက္ခဏာပြသနေကြောင်း ဗီယက်နမ်အစာအစာအသင်း (VFA) ၏ အဆိုအရ သိရပါသည်။ ၅ ရာခိုင်နှုန်းဆန်ကျိုး၏ဈေးနှုန်းမှာ တစ်တန်ကို ၃၉၄ အမေရိကန် ဒေါ်လာ (၂ အမေရိကန်ဒေါ်လာမြင့်တက်၊ ၂၅ ရာခိုင်နှုန်းဆန်ကျိုးမှာ တစ်တန်ကို ၃၆၈ အမေ ရိကန်ဒေါ်လာ (၁ အမေရိကန်ဒေါ်လာမြင့်တက်)နှင့် ၁၀၀ ရာခိုင်နှုန်းဆန်ကျိုးမှာ တစ်တန်ကို ၃၁၃ အမေရိကန်ဒေါ်လာ(၃ အမေရိကန်ဒေါ်လာမြင့်တက်)ခဲ့ကြောင်း သိရပါသည်။  ထိုအချက် သည် ယခုနှစ်၏ပထမလများတွင် ဈေးနှုန်းများကျဆင်းပြီးနောက် အပေါင်းလက္ခဏာဆောင် သည့် အသွင်ကူးပြောင်းမှုဖြစ်ကြောင်း သိရပါသည်။ ယခင်ဈေးနှုန်းကျဆင်းမှုများသည် ကမ္ဘာလုံး ဆိုင်ရာ ဆန်ရောင်းလိုအားမြင့်တက်လာမှု၊ အစဉ်အလာတင်သွင်းနေသည့်ဈေးကွက်များတွင် ဝယ်လိုအား ကျဆင်းမှုတို့ကြောင့်ဖြစ်ကြောင်း သိရပါသည်။ ထို့ပြင် အိန္ဒိယ၏ ဆန်တင်ပို့မှု ပိတ်ပင်ထားမှုကို ပြန်လည်ဖယ်ရှားမှုကလည်း ကမ္ဘာ့ဈေးကွက်တွင် သိသာစွာ ရောင်းလိုအား မြင့်တက်လာစေခဲ့ကြောင်း သိရပါသည်။ သို့သော်ကျွမ်းကျင်သူများက ဗီယက်နမ်၏ ဆန်တင်ပို့သည့် ဈေးနှုန်းများသည် မကြာမီပြန်လည်တည်ငြိမ်ကာ နာလံထူနိုင်ကြောင်း ပြောကြားခဲ့ ပါသည်။ လုပ်ငန်း နယ်ပယ်ဦးဆောင်သူများက ဗီယက်နမ်ဆန်တင်ပို့မှုကျဆင်းမှု၏ ၈၀ ရာခိုင်နှုန်းသည် အရည် အသွေးမြင့်သောဆန်ကဏ္ဍတွင်ဖြစ်ကြောင်းနှင့် အိန္ဒိယက ဆန်ပြန်လည်တင်ပို့မှုကြောင့် ဝယ်ယူသူများသည် အရည်အသွေးနိမ့်သောဆန်ကို အဓိကထား ဝယ်နေသော်လည်း ယာယီသာဖြစ် ကြောင်း ပြောကြားခဲ့ပါသည်။ VFA အချက်အလက်များအရ ယခုနှစ်၏ပထမနှစ်လတွင် ဗီယက်နမ်တင်ပို့ခဲ့သည် ဆန်တန်ချိန် ၁.၁ သန်း၏ ၈၀ ရာခိုင်နှုန်းမှာ အရည်အသွေးမြင့်သောဆန် ဖြစ်နေခြင်းက အိန္ဒိယနှင့် ထိုင်းတို့နှင့် ယှဉ်ပြိုင်နိုင်စွမ်းကို အားသစ်လောင်းပေးခဲ့ကြောင်း သိရပါသည်။ ဗီယက်နမ်စိုက်ပျိုးမွေးမြူရေးနှင့် သဘာဝ ပတ်ဝန်းကျင်ဝန်ကြီး Do Duc Duy က ကမ္ဘာလုံး ဆိုင်ရာဝယ်လိုအားမြင့်တက်လာနိုင်သောကြောင့်  ၂၀၂၅ ခုနှစ် ဒုတိယ ၃ လပတ်ကာလ အလယ်နှင့်နှောင်းပိုင်းတွင် ဆန်တင်ပို့မှု မြင့်တက်ရန်နှင့် တည်ငြိမ်ရန်မျှော်လင့်ရကြောင်း ပြောကြားခဲ့ကြောင်း သိရှိရပါသည်။

Vietnam Plus

DOCA(ရန်ကုန်)