ဗီယက်နမ်ထိပ်တန်းလျှပ်စစ်ကားထုတ်လုပ်သူ VinFast သည် အင်ဒိုနီးရှားနိုင်ငံ၏ ထိပ်တန်းမော်တော်ယာဉ်ဖြန့်ဖြူးသူဖြစ်သည့် PT Arimbi Amartapura(Amarta) နှင့် အင်ဒိုနီးရှားတွင် Showroom ကွန်ယက်တိုးချဲ့မှု အရှိန်မြှင့်တင်ရန် နားလည်မှုသဝဏ်လွှာ (MoU) ရေးထိုးခဲ့ကြောင်း သိရပါသည်။ MoU ၏အောက်တွင် VinFast သည် Amarta ၏ ကြီးမားသော ဈေးကက်ကျွမ်းကျင်မှုကို အသုံးပြ၍ ၂၀၂၅ နှင့် ၂၀၂၇ ခုနှစ်ကြား Showroom ၂၂ ခု တည်ထောင် သွားမည်ဟု သိရပါသည်။ ထိုပမာဏထဲမှ ၁၁ ခုကို ၂၀၂၅ ခုနှစ်အတွင်း ဖွင့်လှစ်မည်ဖြစ်ကြောင်း သိရပါသည်။ Amarta နှင့်ပူးပေါင်းဆောင်ရွက်မှုသည် အင်ဒိုနီးရှားတွင် VinFast ၏ အင်ဒိုနီးရှား၌ Dealership ကွန်ယက်ကိုတိုးချဲ့နိုင်ရုံသာမက လုပ်ငန်းလည်ပတ်မှု တိုးချဲ့ခြင်း၊ ကုန်ကျစရိတ် လျှော့ချခြင်းနှင့် နိုင်ငံတကာဈေးကွက်များတွင် အမှတ်တံဆိပ် တည်ရှိမှုကိုအားကောင်းစေမည် ဟု သိရပါသည်။ VinFast Asia ၏ CEO ဖြစ်သူ Pham Sanh Chau က VinFast သည် Amarta နှင့် ပူးပေါင်း၍ ၎င်းတို့၏ သဘာဝပတ်ဝန်းကျင်နှင့် သင့်လျော် သော လျှပ်စစ်မော်တော်ယာဉ်များအား အင်ဒိုနီးရှားသုံးစွဲသူများထံသို့ အနီးကပ်ရောက်ရှိလာမည် ဖြစ်ကြောင်းနှင့် ထိုပူးပေါင်းဆောင်ရွက် မှုသည် VinFast အား Amarta ၏ နက်ရှိုင်းသော ပြည်တွင်းကျွမ်းကျင်မှုကို အပြည့်အဝအသုံးချ နိုင်မည်ဟု ပြောကြားခဲ့ပါသည်။ Amarta ၏ CEO ဖြစ်သူ Angga Prawira Awang က ၎င်းတို့၏ ဈေးကွက်ကျွမ်းကျင်မှုနှင့် VinFast ၏ ထုတ်ကုန်အရည်အသွေးထူးခြားမှုကြောင့် အင်ဒိုနီးရှား ပြည်သူလူထုထံ အစိမ်းရောင်သယ်ယူ ပို့ဆောင်မှုမြှင့်တင်ရန် ဆောင်ရွက်ပေးနိုင်မည်ဟု ပြောကြား ခဲ့ပါသည်။ ယနေ့အချိန်ထိ ကုမ္ပဏီသည် အင်ဒိုနီးရှားရှိ Dealer ၁၄ ခုနှင့်မိတ်ဖက်ဖွဲ့ထားပြီး သုံးစွဲ သူများအား mini e-SUV မော်ဒယ်များဖြစ်သည့် VF3၊ VF5နှင့် VF e34 တို့ပါဝင်သည့် အမျိုးအစား ကွဲပြားသောလျှပ်စစ် မော်တော်ယာဉ်များ ကို ရောင်းချလျှက်ရှိကြောင်း သိရပါသည်။ ထိုအချက်များသည် အင်ဒိုနီးရှားနိုင်ငံတွင်း ပိုမိုစိမ်းလန်းမှု၊ သန့်စင်မှုနှင့် တည်ငြိမ်သောအနာဂတ်အတွက် VinFast ၏အာမခံချက်ကို ထပ်မံအတည်ပြုနိုင်ခဲ့သည့် မှတ်တိုင်တစ်ခုဖြစ်ကြောင်း သိရပါသည်။
Vietnam Plus
DOCA(ရန်ကုန်)