တောင်ကိုရီးယားနိုင်ငံ၏ ပင်လယ်ရေကြောင်းနှင့် ငါးလုပ်ငန်းဝန်ကြီးဌာနသည် ဗီယက်နမ်နိုင်ငံ Dong Nai ပြည်နယ်ရှိ Nhon Trach 6 စက်မှုဇုန်တွင် ဘက်ပေါင်းစုံထောက်ပံ့ ပို့ဆောင်ရေး စင်တာတည်ဆောက်မည့် အစီအစဉ်ကို မတ်လ ၂၀ ရက်နေ့ကကြေညာခဲ့ပါသည်။ ထိုစီမံကိန်း သည် ကမ္ဘာလုံးဆိုင်ရာထောက်ပံ့မှုကွင်းဆက်ရန်ပုံငွေ၏ ပံ့ပိုးမှုဖြင့် Lotte Global Logistics နှင့် ပူးပေါင်းဆောင်ရွက်မည်ဟု သိရပါသည်။ ထောက်ပံ့ပို့ဆောင်ရေးစင်တာတွင် ဇုန်နှစ်ခုပါဝင်မည် ဖြစ်ပြီး တစ်ခုမှာ အခန်းအပူချိန်ဖြင့်သိုလှောင်ခြင်းနှင့် နောက်တစ်ခုမှာ အအေးခန်းသိုလှောင်တို့ ဖြစ်ကြောင်း သိရပါသည်။ စင်တာကို ၂၀၂၆ ခုနှစ်မေလတွင် စတင်လည်ပတ်ရန်မျှော်လင့်ရ ကြောင်း သိရပါသည်။ ဝန်ကြီးဌာနတာဝန်ရှိသူတစ်ဦးက Nhon Trach စက်မှုဇုန်သည် များစွာသော ကိုရီးယားသင်္ဘောကုမ္ပဏီများ၏ အခြေချရာဖြစ်ကြောင်း ပြောကြားခဲ့ပါသည်။ စင်တာအပြည့်အဝလည်ပတ်ပါက ဗီယက်နမ်ရှိ ကိုရီးယားပို့ကုန်-သွင်းကုန်စီးပွားရေးလုပ်ငန်းများအတွက် အဓိကအခြေစိုက်ဖြစ်လာရန် မျှော်မှန်းရကြောင်း သိရပါသည်။ Nhon Trach စက်မှုဇုန် သည် ဗီယက်နမ်တောင်ပိုင်းရှိ အဓိကထောက်ပံ့ ပို့ဆောင်ရေးအချက်အချာဖြစ်ပြီး Ho Chi Minh မြို့တော်နှင့် Nha Trang မြို့တော်အစရှိသည့် အဓိကဈေးကွက်များအနီးတွင် ဗျူဟာမြောက် တည်ရှိနေကြောင်း သိရပါသည်။ ထို့ပြင် ၎င်းသည် Long Thanh နိုင်ငံတကာလေဆိပ်နှင့် Cat Lai ဆိပ်ကမ်း ပါဝင်သည့် အားကောင်းသောသယ်ယူပို့ဆောင်ရေးအချိတ်အဆက်များမှ အကျိုးကျေးဇူးများရရှိလျက်ရှိကြောင်း သိရှိရပါသည်။
Vietnam Plus
DOCA(ရန်ကုန်)