ရခိုင်ပြည်နယ်၊ စားသုံးသူရေးရာဦးစီးဌာန၊ စစ်တွေခရိုင်ဦးစီးမှူးနှင့် ဝန်ထမ်းများသည် (၁၄.၆.၂၀၂၂) ရက်နေ့ နံနက်၉နာရီခွဲအချိန်တွင် စစ်တွေမြို့၊လမ်းမတော်မြောက်ရပ်ကွက်ရှိ ဦးသန်းရွှေ (ရွှေတံခါးကုမ္ပဏီလီမိတက်) အမ်ဗွီအောင်ရတနာသင်္ဘောပေါ်ရှိ ကုန်ပို့ကိုယ်စားလှယ်နှင့် ဝန်ထမ်းများအားလည်းကောင်း၊ နေ့လည်(၁)နာရီအချိန်တွင် လမ်းမတော်မြောက်ရပ်ကွက်ရှိ ဦးအောင်ကျော်ဇံ(အောင်ဇေကမ္ဘာကုမ္ပဏီလီမိတက်) စားသုံးဆီသိုလှောင်ဖြန့်ဖြူးရေးလုပ်ငန်းရှင်နှင့် ဝန်ထမ်းများအားလည်းကောင်း ပြည်သူ့ကျန်းမာရေးနှင့်ညီညွှတ်ပြီး ဘေးအန္တရာယ်ကင်းရှင်းသည့် စားသုံးဆီများ သုံးစွဲနိုင်ရေးအတွက် စားသုံးဆီများဖြန့်ဖြူးသယ်ဆောင်ရာတွင် လုပ်ဆောင်ရမည့် လုပ်ငန်းစဉ်များအား အသိပညာပေးဆွေးနွေးခဲ့ပါသည်။
ထိုသို့ဆွေးနွေးရာတွင်ခရိုင်ဦးစီးမှူးက ရန်ကုန်မှ စားသုံးဆီများထုတ်ယူ/သယ်ယူတင်ပို့ရာတွင် အဝါရောင် Food Grade Clean Drum များဖြင့်သာ ထုတ်ယူ/သယ်ယူတင်ပို့ရန် ၊ဈေးကွက်အတွင်းသို့ ဖြန့်ဖြူးရာတွင် ဓာတုဗေဒပစ္စည်းများ ထည့်သွင်းအသုံးပြုထားသော Drum များတွင် စားအုန်းဆီများ ထည့်သွင်းသုံးစွဲခြင်းမပြုရန်၊ဈေးကွက်အတွင်းသို့ဖြန့်ဖြူးရာတွင်Food Grade(New Drum/Clean Drum/Jerry Con/Consumer Pack) များ အသုံးပြုရန် အသိပညာပေးဆွေးနွေးခဲ့ပြီး စားသုံးသူရေးရာဦးစီးဌာန(ရုံးချုပ်)၏ (၂၂.၄.၂၀၂၂)ရက်နေ့ စားအုန်းဆီသယ်ယူတင်ပို့ခြင်းနှင့် ပတ် သက်၍ အသိပညာပေးကြေညာချက်အား ကျယ်ကျယ်ပြန့်ပြန့်သိရှိစေရေး လက်ဆင့်ကမ်းဖြန့်ဝေပေးခဲ့ကြောင်း၊စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ (၂၀.၁၂.၂၀၂၁)ရက်နေ့ ညွှန်ကြား ချက်အမှတ်(၁/၂၀၂၁)ပါ ပင်ရင်းပါဝင်ပစ္စည်းကို အခြေခံသော ကုန်စည်၏ အမျိုးအမည်ကို ဟင်းသီးဟင်ရွက်ဆီအစား (စားအုန်းဆီ)သို့မဟုတ် (အဆင့်မြင့်စားအုန်းဆီ)စသည်ဖြင့် မြန်မာဘာသာဖြင့် တိကျစွာဖော်ပြရန် ကုန်စည်၏ အသားတင်ပမာဏနှင့် အရွယ်အစားတို့အား မြန်မာအလေးချိန်ယူနစ်ဖြစ်သော (ပိဿာ/ကျပ်သား)ဖြင့် ဖော်ပြထားသော စားအုန်းဆီများအား သယ်ယူ ဖြန့်ဖြူးရောင်းချစေရေး အသိပညာပေး ဆွေးနွေးခဲ့ကြောင်းသတင်းရရှိပါသည်။
DOCA(ရခိုင်)