ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ဒု-ခရိုင်ဦးစီးမှူး၊ မအူပင်မြို့နယ်ဦးစီးမှူးမှ၊ ဦးအောင်ဇော်ဦး (ဦးစီးအရာရှိ)သည် မအူပင်ခရိုင်ပြန်ကြားရေးနှင့်ပြည်သူ့ ဆက်ဆံ ရေးဦးစီးဌာနနှင့် ပူးပေါင်း၍ အွန်လိုင်းမှ ကုန်စည်နှင့် ဝန်ဆောင်မှုများ ဝယ်ယူသည့် ပြည်သူများကို သတိပြုဝယ်ယူနိုင်ရန်အတွက် အသိပညာပေး Talk Showကို ၂၀၂၅ခုနှစ် မတ်လ ၂၁ရက်နေ့ နံနက်(၁၀:၀၀)နာရီအချိန်တွင် မအူပင်လူထုအခြေပြုဗဟိုဌာန Communit Center ခန်းမ၌ ကျင်းပပြုလုပ်ခဲ့ကြပါသည်။
ဆွေးနွေးပွဲတွင် အသိပညာပေး Talk Show မှတဆင့် စီးပွားရေးလုပ်ငန်းရှင်များ ကုန်စည်နှင့် ဝန်ဆောင်မှု များကို အွန်လိုင်းစနစ်ဖြင့် ရောင်းချခြင်းလုပ်ငန်းအဓိပ္ပါယ်မှာ ကုန်စည်ကိုဖြစ်စေ၊ ဝန်ဆောင်မှုကိုဖြစ်စေ အွန်လိုင်း(Online)စနစ်မှတစ်ဆင့် ဝန်ဆောင်မှုပေး၍ ရောင်းချသည့်လုပ်ငန်းကို ဆိုသည်။ (အမိန့်ကြော်ငြာစာအမှတ် ၅၁/၂၀၂၃)၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန) မှ ထုတ်ပြန်ထားသည့်ကိုလည်းကောင်း၊ စားသုံးသူအခွင့်အရေးနှင့် တာဝန်များအချက်ကိုလည်းကောင်း၊ အွန်လိုင်းမှ ဝယ်ယူရခြင်း၏ အားသာချက်ဖြစ်သည့် အချိန်ကုန်သက်သာ၍ အိမ်အရောင်းစနစ် ဖြင့်ဝယ်ယူ ရခြင်း၊ မိမိလိုချင်သော ကုန်စည်များကို အင်တာနက်ပေါ်တွင် ရှာဖွေဝယ်ယူရခြင်း တို့ဖြစ်ကြောင်း၊ အားနည်းချက် အနေဖြင့် ပို့ဆောင်ခ ပိုမိုကုန်ကျခြင်း၊ ပစ္စည်းလဲလှယ် ရန် အခက်အခဲများရှိခြင်း၊ မရိုးဖြောင့်သော၊ တရားမဝင်သောအွန်လိုင်းဆိုင်များ၏ လိမ်လည်မှု ခံရနိုင်ခြင်း။ အွန်လိုင်း မှ ဝယ်ယူရာတွင် လိမ်လည်မှု ပုံစံ ၂မျိုးရှိကြောင်း၊ စားသုံးများသိရှိနိုင်ရန် အကျယ်တဝင့် ရှင်လင်းဆွေးနွေး ပြီး စားသုံးသူများအနေဖြင့် ကုန်စည်/ ဝန်ဆောင်မှုများကို ဝယ်ယူရာ၌ နစ်နာဆုံးရှုံးမှုများ ဖြစ်ပေါ် လာပါက စားသုံးသူရေးရာဦးစီးဌာန၏ ဝက်ဘ်ဆိုက်ဖြစ်သည့် (www.doca.gov.mm) ၏ Website Complaint System ဦးစီးဌာနနှင့် ဦးစီးမှူးရုံးများ၏ CICC များနှင့် Web Pages ၊Facebook Pages၊ Messenger DOCA Myanmar Mobile Application ( Google Play နှင့် www.doca.gov.mm မှ download ချယူနိုင်ပါသည်။ Consumer Call Center Hotline - 1535 စားသုံးသူကာကွယ်ရေးဆိုင်ရာအသင်းအဖွဲ့များ ကတစ်ဆင့်လည်းကောင်း တိုင်ကြားနိုင်သည့်အကြောင်း ကိုရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)