စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ ခရိုင်ဦးစီးမှူးဦးဇော်မင်းနှင့် ဒု-ခရိုင်ဦးစီးမှူး ဦးအောင်ဇော်ဦးတို့သည် (၂၀.၃.၂၀၂၁၀) နေ့ နေ့လယ် (၁၃း၀၀) နာရီအချိန်တွင် မအူပင်မြို့ပေါ်ရှိ စားအုန်းဆီ လက်လီ/ လက်ကားဖြန့်ဖြူးရောင်းချသောလုပ်ငန်းရှင်(၅)ဦးအားစားသုံးသူရေးရာဦးစီးဌာန၊ ခရိုင်ဦးစီး မှူးရုံးတွင် တွေ့ဆုံ၍ ဆွေးနွေးပွဲ ပြုလုပ်ခဲ့ပါသည်။
အဆိုပါ စားအုန်းဆီ လက်လီ/လက်ကားရောင်းချသူ ဆီကုန်သည်များနှင့် တွေ့ဆုံဆွေးနွေးပွဲတွင် မအူပင်ခရိုင်ဦးစီးမှူး ဦးဇော်မင်းက စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် တင်သွင်းလာသည့် စားသုံးဆီများ အရည်အသွေးပြည့်မီရေးနှင့် ပြည်သူများ ကျန်းမာရေးနှင့် ညီညွတ်ပြီး ဘေးအန္တရာယ်ကင်းရှင်းသည့် စားသုံးဆီများသုံးစွဲနိုင်ရေးအတွက် သယ်ယူ၊ သိုလှောင်၊ ဖြန့်ဖြူးရာတွင် Good Grade ပေပါများ၊ Trankများ အသုံးပြုရေး စားသုံးသူရေးရာဦးစီးဌာန၊ (ရုံးချုပ်)၏ ညွှန်ကြားချက်များကို ရှင်းလင်းဆွေးနွေးခဲ့ပြီး ကုမ္ပဏီများမှ ဖြန့်ဖြူးသော စားအုန်းဆီလက်ခံရရှမှု အခြေအနေ၊ ရည်ညွှန်းဈေးဖြင့် ပြန်လည်ရောင်းချမှု အခြေအနေနှင့် သယ်ယူမှုအခြေအနေများကို ဆွေးနွေးခဲ့ပြီး မအူပင် စားဆီရောင်းချသူများနှင့် လစဉ်တွေ့ဆုံဆွေးနွေးခြင်းများ၊ အဖွဲစုံဖြင့် ဆီရောင်းချမှုများကို ကွင်းဆင်းစိစစ်ကြပ်မတ်ခြင်းလုပ်ငန်းများကို စဉ်ဆက်မပြတ်လုပ်ဆောင်သွားမည်ဖြစ်ကြောင်း ဆွေးနွေးခဲ့သည်။
တက်ရောက်လာသူ စားအုန်းဆီရောင်းချသည့်သူများမှ မိမိတို့ခွဲတမ်းရရှိသည့် ဆီများရောက်ရှိပြီးဖြစ်ပါကြောင်းနှင့် ဆီများကို ဈေးနှုန်းမြှင့်တင်ရောင်းချမှုမရှိဘဲ အခြေခံသတ်မှတ် ဈေးနှုန်းများဖြင့်သာ မြင်သာသောနေရာတွင် ဗီနိုင်းချိတ်ဆွဲ၍ ရောင်းချလျက်ရှိပါကြောင်းနှင့် စားသုံးသူပြည်သူများအနေဖြင့်လည်း အလွယ်တကူ ဝယ်ယူစားသောက်နိုင်ရန်အတွက် မိမိအနေဖြင့်လည်း လက်လီ/ လက္ကား ဖြန့်ဖြူးရောင်းချ ပေးလျက်ရှိပါကြောင်း ပြန်လည်ဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)