စားသုံးသူရေးရာဦးစီးဌာန၊ ကြံခင်းမြို့နယ်တာဝန်ခံသည် ၂၀၂၅ခုနှစ် မတ်လ ၁၀ ရက်နေ့ နံနက်(၀၉:၀၀)နာရီအချိန်တွင် မြို့နယ်စည်ပင်သာယာရေးအဖွဲ့နှင့်အတူ ကြံခင်းမြို့နယ်အတွင်းရှိ ပဲမျိုးစုံရောင်းဝယ်နေသော ပွဲရုံများသို့ သွားရောက်၍ ရောင်းဝယ်မှုအခြေအနေများအား ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းရာတွင် ကြံခင်းမြို့နယ်အတွင်းရောင်းဝယ်လျက်ရှိသော ပဲအမျိုးမျိုးတွင် ရိတ်သိမ်းခြွေ့လှေ့ရာတွင် ပါဝင်ထိုက်သော ဖုန်၊ သဲနှင့် ခဲများသာ ပါရှိကြောင်း၊ မသမာသောနည်းလမ်းဖြင့် ရောနှောရောင်းချခြင်း၊ ဈေးနှိမ်ဝယ်ယူခြင်းများမရှိပဲ ပုံမှန်အရောင်းအဝယ်ဖြစ်လျက်ရှိကြောင်း၊ မတ်ပဲအဓိကစိုက်ပျိုးသော ဒေသဖြစ်ပြီး ယခုချိန်တွင် သီးနှံထွက်ရှိပြီဖြစ်ရာ တောင်သူများမှလည်း အတတ်နိုင်ဆုံး သန့်စင်အောင်ပြုလုပ်ပြီး ရောင်းချကြကြောင်း စိစစ်တွေ့ရှိရပါသည်ဟု သိရှိရပါသည်။
DOCA(ဧရာဝတီ)