စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် ၂၀၂၅ခုနှစ် မတ်လ ၁၁ ရက်နေ့ နံနက်(၀၉:၀၀)နာရီအချိန်တွင် ဟင်္သာတမြို့နယ်အတွင်းရှိ ပဲမျိုးစုံရောင်းဝယ်နေသော ပွဲရုံများ၊ ပွဲရုံသို့ လာရောက်ရောင်းချသော မတ်ပဲတင်မော်တော်ယာဉ်များအား သက်ဆိုင်ရာဌာနများ၊ အသင်းအဖွဲ့များနှင့်ပူးပေါင်း၍ ရှောင်တခင်ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းရာတွင် ပူးပေါင်းအဖွဲ့သည် ပွဲရုံများ၊ မော်တော်ယာဉ်များဖြင့် တင်ဆောင်လာသောမတ်ပဲများအား အဖွဲ့မှ ကလောင်ထိုး၍ စစ်ဆေးခြင်းများ၊ နမူကောက်ယူခြင်း၊ အလေးချိန် ချိန်တွယ်ကာ မတ်ပဲတစ်တင်းခွဲ အိတ်တွင်ပါဝင်နိုင်သော ဖုန်၊သဲ၊ ခဲများသာ ပါရှိပြီး အလေးချိန်ပိုမို ပါဝင်ခြင်းမရှိပဲ ခြွေ့လှေ့ရာတွင် ပါဝင်ထိုက်သော ဖုန်၊သဲနှင့် ခဲများသာပါရှိကြောင်း စိစစ်တွေ့ရှိရပြီး တောင်သူများမှလည်း အတတ်နိုင်ဆုံး သန့်စင်အောင်ပြုလုပ်ပြီး ရောင်းချကြကြောင်းတွေ့ရှိရပါသည်။ ဟင်္သာတမြို့နယ်အတွင်း ပဲမျိုးစုံရောင်းဝယ်နေသော ကုန်သည်များသည် တောင်သူများထံမှ ဝယ်ယူရာတွင်လည်း အရည်အသွေးမကောင်း၍ ဖြတ်တောက်ဝယ်ယူမှုမရှိကြောင်း၊ ပွဲရုံများအနေဖြင့်လည်း အလေးချိန်၊ အရေအတွက်တိုးအောင် မသမာသောနည်းလမ်းဖြင့် ရောင်းဝယ်မှု ပြုလုပ်ခြင်းမရှိကြောင်း အဖွဲ့ဖြင့် ရှောင်တခင်ကွင်းဆင်းစစ်ဆေးခြင်းများဆောင်ရွက်ခဲ့သည်ဟု သိရှိရပါသည်။
DOCA(ဧရာဝတီ)