မြန်အောင်ခရိုင်၊ မြန်အောင်မြို့နယ်၊ စားသုံးသူရေးရာဦးစီးဌာနမှစစ်ဆေးရေးအရာရှိနှင့်ဝန်ထမ်းများသည် ၂၀၂၅ ခုနှစ် မတ်လ ၅ ရက်နေ့ နံနက် (၀၇:၀၀) နာရီအချိန်တွင် ဆန်နီချောင်ကျေးရွာရှိ ဆီလုပ်ငန်းရှင်များအားစီးပွားရေးလုပ်ငန်းရှင်များ၏တာဝန်များအကြောင်းဟောပြောဆွေးနွေးခြင်းကို ဆောင်ရွက်ခဲ့ကြောင်း သိရသည်။
စားသုံးသူရေးရာဦးစီးဌာန မြန်အောင်ခရိုင်၊ မြန်အောင်မြို့နယ်မှ စစ်ဆေးရေးအရာရှိနှင့် အဖွဲ့များသည် ဆန်နီချောင်ကျေးရွာရှိ စားအုန်းဆီရောင်းချဖြန့်ဖြူးနေသည့် ဆီလုပ်ငန်းရှင်များအား ၂၀၁၅ခုနှစ် စားသုံးသူကာကွယ်ရေးဥပဒေတွင် ဖော်ပြထားသော အခန်း ၁၀ ပုဒ်မ ၂၁။ စီးပွားရေး လုပ်ငန်းရှင်၏တာဝန်( ၁၁ )ချက်အား အသေးစိတ်ရှင်းလင်းဆွေးနွေးခဲ့ပြီး လုပ်ငန်းရှင်များအနေဖြင့် လည်း ထိုတာဝန်များကို အထူးအလေးထားလိုက်နာဆောင်ရွက်ရမည်ဖြစ်ကြောင်း၊ စားအုန်းဆီများ သိုလှောင်ဖြန့်ဖြူးမှုနှင့်ပတ်သက်၍လည်း ဒေသအရောက်ဈေးနှုန်းများအပေါ် ဖြစ်သင့်ဖြစ်ထိုက်သည့် သယ်ယူပို့ဆောင်ခစရိတ်အပြင် ၂% အမြတ်ဖြင့်သာ ရောင်းချရမည်ဖြစ်ကြောင်းနှင့် ၂% အမြတ်ထက် ပိုမိုရောင်းချမှုပြုပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်ခြင်းခံရ မည်ဖြစ်ကြောင်း အသိပညာပေးဆွေးနွေးခဲ့ကြောင်းသတင်းရရှိပါသည်။
DOCA(ဧရာဝတီ)