၂၂.၃.၂၀၂၅ ရက်နေ့တွင် ရေးမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်အိဖြိုးသည် ရေးမြို့နယ်၊ အောင်သုခရပ်ကွက်အတွင်းရှိ ဟောတော်ငရုပ်ဆီထုတ်လုပ် ရောင်းချနေသည့် လုပ်ငန်းရှင် ဦးကိုကိုလွင်နှင့် တွေ့ဆုံခဲ့ပြီး ထုတ်လုပ်ဖြန့်ဖြူးမည့် ကုန်ပစ္စည်း များအရည်အသွေးကောင်းမွန်စေရန်နှင့် သန့်ရှင်းမှုရှိစေရေး၊ ကုန်အညွှန်းအမှတ်အသား ပြည့်စုံစွာဖော်ပြရေးတို့ကို ဆွေးနွေးခဲ့ကြောင်း သိရသည်။
ထို့နောက် ထုတ်လုပ်သည့်ကုန်ပစ္စည်းများအား လိုက်လံကြည့်ရှုစစ်ဆေး၍ ထုတ်လုပ်သူမှ လိုက်နာရမည့် ကုန်အညွှန်းအမှတ်အသားဖော်ပြချက်နှင့် စပ်လျဉ်း၍ စားသုံးသူကာကွယ်ရေးဥပဒေနှင့် ကိုက်ညီမှုရှိ/ မရှိ၊ သက်ဆိုင်ရာဌာနများ၏ ခွင့်ပြုထောက်ခံချက်ရှိ/ မရှိ ကြည့်ရှုစစ်ဆေးခဲ့ပြီး သတ်မှတ်ချက်များနှင့် အညီ လိုက်နာဆောင်ရွက်ထားရှိကြောင်း တွေ့ရှိရပါသည်။
DOCA(မွန်)