၂၄.၃.၂၀၂၅ ရက်နေ့ နံနက် (၀၉:၀၀) နာရီအချိန်တွင် မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးသည် ချောင်းဆုံမြို့နယ်၊ ကုလားဘီကျေးရွာရှိ သဘာဝမြေဩဇာလုပ်ငန်းရှင်နှင့် တွေ့ဆုံဆွေးနွေးခဲ့ကြောင်း သိရသည်။
ထိုသို့ တွေ့ဆုံဆွေးနွေးရာတွင် ချောင်းဆုံမြို့နယ်တာဝန်ခံက လုပ်ငန်းရှင်၏ သဘာဝမြေဩဇာလုပ်ငန်း စတင်တည်ထောင်သောခုနှစ်၊ ကုန်ကြမ်းရရှိမှုအခြေအနေ၊ တစ်အိတ်ထုတ် လုပ်မှုကုန်ကျစရိတ်၊ တစ်နေ့တာထုတ်လုပ်မှု၊ ဖြန့်ဖြူးသောဈေးကွက်၊ တစ်အိတ်ဈေးနှုန်း အလုပ်အကိုင်အခွင့်အလမ်းဖန်တီးပေးနိုင်သော အခြေအနေတို့ကို ဆွေးနွေးမေးမြန်းရာ လုပ်ငန်းရှင်က သဘာဝမြေဩဇာလုပ်ငန်းကို ၂၀၂၂ ခုနှစ်တွင် စတင်တည်ထောင်ခဲ့ပြီး၊ တစ်နေ့တွင်အိတ် ၅၀ ခန့်ထုတ်လုပ်ကြောင်း၊ တစ်အိတ်ကိုဈေးနှုန်း (၂၀၀၀၀) ကျပ်ဖြင့် ချောင်းဆုံမြို့နယ် မော်လမြိုင်မြို့နယ်၊ တနင်္သာရီတိုင်း ထားဝယ်မြို့နယ်အထိ ဖြန့်ဖြူးကြောင်း သိရှိရသည်။ ကုန်ကြမ်းကို ချောင်းဆုံမြို့နယ်အတွင်းသာဝယ်ယူပြီး တစ်အိတ်ထုတ်လုပ်မှု ကုန်ကျစရိတ်မှာ (၁၇၀၀၀) ကျပ်ခန့်ရှိပြီး တစ်အိတ်လျှင် အမြတ် (၃၀၀၀) ကျပ်ခန့်ကျန်ရှိကြောင်း အလုပ်အကိုင်အခွင့်အလမ်းဖန်တီးပေးနိုင်မှုအနေဖြင့် အလုပ်သမား (၇) ဦးကို အလုပ်အကိုင်ဖန်တီးပေးနိုင်ကြောင်း ရှင်းလင်းဆွေးနွေးခဲ့ကြောင်း သိရှိရပါသည်။
DOCA(မွန်)