ဧရာဝတီတိုင်းဒေသကြီး၊ လပွတ္တာမြို့နယ်ရှိ ပင်လယ်ငါးခြောက် လုပ်ငန်းများတွင် ယခုကာလ အတွင်းဝယ်လိုအား တိုးလာမှုကြောင့် အရောင်းအဝယ်လုပ်ငန်း ကောင်းမွန်နေသည်ဟု သိရပါတယ်။ ရန်ကုန်ဈေးကွက်မှ အဓိကဝယ်ယူမှု တက်လာခြင်းကြောင့် ပင်လယ်ငါးခြောက် မျိုးစုံအရောင်းအဝယ် တိုးလာနေပြီး၊ တစ်ရက်လျှင် ပိဿာ ၅၀၀ မှ ၂၅၀၀ အထိ အရောင်းအဝယ် ဖြစ်ပွားနေသည်ဟု ငါးခြောက်ရောင်းဝယ်ရေးလုပ်ငန်းကို လုပ်ကိုင်သူများထံမှ သိရှိရပါတယ်။
လပွတ္တာမြို့နယ်သည် ပင်လယ်ကမ်းရိုးတန်းအနီးတွင် တည်ရှိသည့်အတွက် ဒေသခံများသည် ငါးဖမ်းခြင်း နှင့် ငါးခြောက်ပြု လုပ်ခြင်း များကို စီးပွားရေးလုပ်ငန်းအဖြစ် လုပ်ကိုင်ဆောင်ရွက်ကြ ပါတယ်။ လပွတ္တာ ဒေသမှာ ထုတ်တဲ့ ငါးခြောက်အမျိုးအစားတွေကတော့ (ငါးညို)၊ ငါးလိပ်ကျောက်၊ ငါးပုတ်သင်၊ ပင်လယ်ငါးပြေမ၊ ငါးဖောင်ရိုးနှင့် ငါးနီတူ ငါးကွမ်းရှပ်၊ ငါးပုတ်သင် စတဲ့ ပင်လယ် ငါး အမျိုးမျိုးဖြစ်ပြီး ဒေသထွက် ငါးခြောက်များမှာ အရသာကောင်းသကဲ့သို့ တမူထူးခြားတဲ့ အနံ့အရသာ ရှိသောကြောင့် လူကြိုက်များလှပါတယ်။ ငါးခြောက်ဈေးနှုန်းများမှာ ငါးခြောက်အမျိုးအစား အပေါ် မူတည်ပြီး ဈေးနှုန်းများကွဲပြား ်ကွဲပြားနေပြီး၊ ငါးကွမ်းရှပ်နှင့် ငါးလိပ်ကျောက်တို့က လူကြိုက်များ သည့် ငါးခြောက် အမျိုးအစားများဖြစ်ပါကြောင်း ရေးသားတင်ပြ လိုက်ရပါတယ်။
DOCA(ဧရာဝတီ)