ဧရာဝတီတိုင်းဒေသကြီး၊ ကျောင်းကုန်းမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ နှင့် ဝန်ထမ်းတို့သည် ၂၀၂၅ ခုနှစ်၊ မတ်လ (၂၄) ရက်နေ့၊ နံနက် (၁၁:၀၀) နာရီအချိန်တွင် ကျောင်းကုန်းမြို့နယ်၊ အမှတ်(၂) ရပ်ကွက်ရှိ အသင့်စား CP အသင့်စား ကြက်အူချောင်း ရောင်းချနေသော ကုန်စုံဆိုင်များအား ကုန်အညွှန်းအမှတ်အသားပြည့်စုံခြင်း ရှိ/မရှိ ဈေးကွက် စောင့်ကြည့်စစ်ဆေးခဲ့ပါသည်။
အဆိုပါဈေးကွက်စောင့်ကြည့်စစ်ဆေးရာတွင် ဈေးကွက်အတွင်းရောင်းချနေသော CP ကြက်အူချောင်း ကုန်ပစ္စည်းပေါ်တွင် ဖော်ပြထားသော ကုန်အညွှန်းအမှတ်အသားများအား ထုတ်လုပ်မှု အမှတ်တံဆိပ်၊ ထုတ်လုပ်သည့်နေရာ၊ ပြည်ပမှတင်သွင်းလာပါက ပြန်လည်ထုပ်ပိုးသည့်နေရာ၊ ကုန်စည်ထုတ်လုပ်သည့်ရက်စွဲ၊ သက်တမ်းကုန်ဆုံးသည့်ရက်စွဲ၊ ကုန်စည်အား သုံးစွဲပုံအညွှန်း၊ စားသုံးသူပြည်သူများ နားလည်စေရန်အတွက် မြန်မာဘာသာဖြင့်ဖော်ပြထားမှုအား ဈေးကွက်စောင့်ကြည့်စစ်ဆေးခဲ့ကြောင်း သိရှိရပါသည်။
DOCA(ဧရာဝတီ)